تۇلەكتەردىڭ نەشە پايىزى ءوز ماماندىعىمەن جۇمىس ىستەيدى - زەرتتەۋ
«تۇلەكتەردىڭ ءبارى بىردەي وقىعان ماماندىعى بويىنشا جۇمىس ىستەمەيدى. مىسالى دەنساۋلىق ساقتاۋ سالاسى بويىنشا وقۋ بىتىرگەن تۇلەكتەردىڭ 69 پايىزى، پەداگوگيكا سالاسى تۇلەكتەرىنىڭ 59,5 پايىزى، قالا قۇرىلىسى سالاسى تۇلەكتەرىنىڭ 30,6 پايىزى جانە اۋىل شارۋاشىلىعى سالاسى تۇلەكتەرىنىڭ 19,4 پايىزى عانا ءوز ماماندىعى بويىنشا جۇمىس ىستەپ جاتقانىن حابارلايمىز»، - دەدى «اتامەكەن» ۇلتتىق كاسىپكەرلەر پالاتاسىنىڭ باسقارۋشى ديرەكتورى ازامات بەيسەنبەنوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
قالعان تۇلەكتەر ديپلوم بويىنشا ەمەس، باسقا سالالاردى قىزمەت ەتەدى نەمەسە مۇلدە جۇمىس ىستەمەيدى.
«تالاپكەرلەر مەكتەپ ءبىتىرىپ، ۋنيۆەرسيتەت پەن بولاشاق كاسىبىن تاڭداعاندا، ەڭ الدىمەن وزىنە ۇنايتىن، قابىلەتىنە سايكەس كەلەتىن ماماندىقتى تاڭداۋى قاجەت. ءبىراق، جوعارى باسەكە زامانىندا تاڭداعان ماماندىعى بويىنشا جۇمىسقا ورنالاسۋ ماسەلەسى بارلىعىن ويلاندىرادى. سول سەبەپتى، ءبىز بارلىق تالاپكەرلەردىڭ تاڭداۋىن جەڭىلدەتۋ ءۇشىن وسى رەيتينگتى جىل سايىن كومەكشى قۇرال رەتىندە دايىندايمىز»، - دەيدى ا. بەيسەنبەنوۆ.
ايتا كەتەيىك، ق ر عىلىم جانە جوعارى ءبىلىم مينيسترلىگى ەلدەگى ج و و- لاردىڭ 2022-جىلعى رەيتينگىن جاريالادى.
بۇل رەيتينگكە سايكەس، جۇمىس بەرۋشىلەر وتاندىق بىلىمگە %67 قاناعاتتانادى.
2022-جىلى ج و و تۇلەكتەرىنىڭ %67 تۇراقتى جۇمىسپەن قامتىلعان.
قازاقستاندا ج و و جاڭا بىتىرگەن جاس مامان ورتا ەسەپپەن 155621 تەڭگە جالاقى الادى.
