سۋبسيديا قاراجاتىن دۇرىس يگەرمەگەن وڭىرلەرگە سانكسيا سالىنادى
بۇل تۋرالى اۋىل شارۋاشىلىعى ءمينيسترى ەربول قاراشوكەيەۆ ۆەدومستۆونىڭ كەڭەيتىلگەن القا ماجىلىسىندە ءمالىم ەتتى، دەپ حابارلايدى قازاقپارات ءتىلشىسى.
«بيىلدان باستاپ بارلىق سۋبسيديالار جالپى سيپاتتاعى ترانسفەرتتەرمەن جەرگىلىكتى بيۋجەتتەر بازاسىنا بەرىلگەنىن اتاپ وتكىم كەلەدى. 2023-2025-جىلدارعا ارنالعان مەملەكەتتىك قولداۋ كولەمى شامامەن 400 ميلليارد تەڭگەگە جەتكىزىلدى. وبلىس اكىمدىكتەرى اگروونەركاسىپ كەشەنىن سۋبسيديالاۋعا بيۋجەت قاراجاتىنىڭ ەڭ تومەن كولەمىن ءبولۋدى قامتاماسىز ەتۋى قاجەت»، - دەدى مينيستر.
بۇل ەرەجە بويىنشا، وڭىرلەر سۋبسديانىڭ قاراجاتىن ماقساتىنا ساي قولدانباسا ارنايى سانكسيا سالىنادى.
«ەگەر اگروونەركاسىپتىك كەشەندى سۋبسيديالاۋعا باعىتتالعان قاراجات، قانداي دا ءبىر وڭىردە باسقا ماقساتتارعا بەرىلسە، وندا سۋبسيدياعا قوسىمشا قاجەتتىلىك پايدا بولعان كەزدە ايىپپۇل سانكسياسى رەتىندە قاراجات رەسپۋبليكالىق بيۋجەتتەن بولىنبەيدى. اگروونەركاسىپتىك كەشەندى دامىتۋدىڭ 2030-جىلعا دەيىنگى تۇجىرىمداماسىن مەملەكەت باسشىسىنىڭ جاڭا تاپسىرمالارىن، زامان وزگەرىستەرىن ەسكەرە وتىرىپ وزەكتەندىرۋ جۇمىسى ءجۇرىپ جاتىر»، - دەپ تۇيىندەدى ەربول قاراشوكەيەۆ.
