نۇرسۇلتان نازاربايەۆتىڭ قازىرگى جاعدايى بەلگىلى بولدى

None
استانا. قازاقپارات - قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆتىڭ قازىرگى جاعدايى بەلگىلى بولدى، دەپ حابارلايدى قازاقپارات ءتىلشىسى.

«ەمدەۋ پروتسەدۋراسى وتكەن جىلى جوسپارلانعان بولاتىن. پاتسيەنتتىڭ جۇمىس باستىلىعىنا بايلانىستى پروتسەدۋرانى ىڭعايلى ۋاقىتتا وتكىزۋ تۋرالى شەشىم قابىلدادى. تاڭداۋ بۇگىنگە ءتۇستى. ايتا كەتەتىن جايت، كەز كەلگەن پاتسيەنت كەيبىر مەديتسينالىق اقپاراتتى جاريا ەتپەۋگە قۇقىلى. نۇرسۇلتان نازاربايەۆ ەمدەۋ پروتسەدۋراسىنان ءساتتى ءوتتى. پاتسيەنتتىڭ قازىرگى جاعدايى جاقسى»، - دەدى ۇلتتىق عىلىمي كارديوحيرۋرگيا ورتالىعىنىڭ حيرۋرگيا بويىنشا ديرەكتورى يۋري پيا ەلوردادا وتكەن بريفينگىدە.

سونداي-اق، سپيكەر نۇرسۇلتان نازاربايەۆقا وتا جاسالماعانىن، ناقتىسى ەمدەۋ-دياگنوستيكالىق پروتسەدۋرادان وتكەنىن ايتتى. ونىڭ ايتۋىنشا، اتالعان پروتسەدۋرا 2,5 ساعاتقا سوزىلدى.

بريفينگ بارىسىندا ايتىلعانداي، پاتسيەنت 1-2 كۇندە ۇيگە شىعارىلادى.

ايتا كەتسەك، بۇگىن نۇرسۇلتان نازاربايەۆقا وتا جاسالعانى تۋرالى حابارلانعان ەدى.

«نۇرسۇلتان نازاربايەۆتىڭ جۇرەگىنە وتا جاسالدى. وپەراتسيا ءساتتى ءوتتى. تۇڭعىش پرەزيدەنتتىڭ ومىرىنە قاۋىپ ءتونىپ تۇرعان جوق. وتا ۇلتتىق كارديوحيرۋرگيا ورتالىعىندا تانىمال كارديوحيرۋرگ يۋ. پيانىڭ جەتەكشىلىگىمەن جاسالدى»، - دەپ جازعان ەدى تۇڭعىش پرەزيدەنتتىڭ باسپا ءسوز حاتشىسى ايدوس ۇكىباي Twitter پاراقشاسىندا.


سوڭعى جاڭالىقتار