ءماسليحات دەپۋتاتتىعىنا قانشا جاسقا تولعان ادام كانديدات بولا الادى
«ءماسليحات دەپۋتاتتارىن سايلاۋعا كەلسەك، قازاقستان رەسپۋبليكاسىندا ءار ءتۇرلى دەڭگەيدەگى 223 ءماسليحات بار. ورتالىق سايلاۋ كوميسسياسىنىڭ قاۋلىسىمەن بارلىق دەڭگەيدەگى ءماسليحاتتاردا مانداتتار سانى - 3415 ەكەنى انىقتالدى. ولاردىڭ بارلىعى 19- ناۋرىزداعى سايلاۋعا قاتىسادى»، - دەدى ق ر ورتالىق سايلاۋ كوميسسياسى ءتوراعاسىنىڭ ورىنباسارى كونستانتين پەتروۆ و س ك وتىرىسىندا.
ونىڭ ايتۋىنشا، 20 جاسقا تولعان قازاقستان رەسپۋبليكاسىنىڭ ازاماتى ءماسليحات دەپۋتاتتىعىنا كانديدات بولا الادى. وبلىستار، رەسپۋبليكالىق ماڭىزى بار قالالار، استانا ءماسليحاتتارىنىڭ دەپۋتاتتارى ارالاس سايلاۋ جۇيەسى بويىنشا سايلانادى.
«وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ ءماسليحاتتارىنا دەپۋتاتتاردىڭ %50 ماجوريتارلىق جۇيە بويىنشا، %50 پارتيالىق تىزىمدەر بويىنشا سايلانادى. اۋداندار مەن قالالاردىڭ ءماسليحاتتارىنا سايلاۋ تولىعىمەن ماجوريتارلىق جۇيەدە وتەدى. ەگەر ءماسليحاتتا 30 دەپۋتاتتىق ماندات بولسا، ونىڭ 15 ءى پارتيالىق ءتىزىم بويىنشا جانە 15 ءى اۋماقتاعى ءبىرمانداتتى اۋماقتىق وكرۋگتەر بويىنشا سايلاناتىن بولادى»، - دەدى كونستانتين پەتروۆ.
