ءاليحان سمايىلوۆ ازاماتتاردىڭ بانكروتتىعى تۋرالى زاڭدى تەزدەتىپ قولدانىسقا ەنگىزۋدى تاپسىردى

None
استانا. قازاقپارات - قارجى مينيسترلىگىنىڭ القا ماجىلىسىندە پرەمەر-مينيستر ءاليحان سمايىلوۆ ازاماتتاردىڭ بانكروتتىعى تۋرالى زاڭدى تەزدەتىپ قولدانىسقا ەنگىزۋدى تاپسىردى، دەپ حابارلايدى قازاقپارات ءتىلشىسى.

«جەكە تۇلعالاردىڭ بانكروتتىعى تۋرالى زاڭ 1- قاڭتاردان باستاپ كۇشىنە ەندى. شامامەن 1,2 ميلليون ازامات بورىش اۋىرتپالىعىنان بوساتۋ تەتىگىن پايدالانا الادى. جەكە تۇلعالار بانكروتتىعى ينستيتۋتىن تولىققاندى ەنگىزۋ ءۇشىن زاڭعا تاۋەلدى اكتىلەردىڭ ءبارىن تەز ارادا قابىلداپ، ۇيىمداستىرۋ-تەحنيكالىق جۇمىستاردى اياقتاۋ قاجەت»، - دەدى ول.

پرەمەر-مينيستر ءتيىستى اقپاراتتىق جۇيەنى قىسقا مەرزىمدە ىسكە قوسۋ كەرەكتىگىن اتاپ ءوتتى.

«بۇل قادام قاجەتتى راسىمدەردى بارىنشا جەڭىلدەتىپ، جەدەل شەشىم قابىلداۋعا مۇمكىندىك بەرەدى»، - دەدى ءاليحان سمايىلوۆ.

ۇكىمەت باسشىسى كولەڭكەلى ەكونوميكاعا قارسى ءىس-قيمىلدىڭ نەگىزگى باعىتتارىن دا اتادى.

«قابىلدانعان شارالارعا قاراماستان، ونىڭ ۇلەسى ءالى دە اۋقىمدى. وسى باعىتتاعى جۇمىستى كۇشەيتىپ، كولەڭكەلى ەكونوميكاعا قارسى ءىس-قيمىل جونىندەگى ءىس-شارالار جوسپارىن تولىققاندى ىسكە اسىرۋ قاجەت.

بۇل جۇمىستا جالپىعا بىردەي دەكلاراتسيانى كەزەڭ-كەزەڭىمەن جانە ۋاقتىلى ەنگىزۋ ماڭىزدى.

ماقسات - جەكە تۇلعالاردىڭ تابىسى مەن مۇلكىن باقىلاۋدىڭ ءتيىمدى جۇيەسىن قۇرۋ ەكەنىن اتاپ وتكىم كەلەدى»، - دەدى پرەمەر-مينيستر.

سوڭعى جاڭالىقتار