مەملەكەت باسشىسى پارلامەنت ءماجىلىسىن تاراتۋ جونىندە كەڭەس وتكىزدى
قاسىم- جومارت توقايەۆ قازاقستان حالقى رەفەرەندۋمدا ساياسي وزگەرىستەرگە، سونىڭ ىشىندە پارلامەنتتى جانە ءماسليحاتتاردى جاساقتاۋ ءتارتىبىن جاڭارتۋعا قولداۋ بىلدىرگەنىن ايتتى.
«مەن قىركۇيەكتەگى جولداۋىمدا الدا تۇرعان سايلاۋ ناۋقاندارى تۋرالى ايتتىم. سوعان سايكەس وتكەن جىلدىڭ قاراشا ايىندا كەزەكتەن تىس پرەزيدەنت سايلاۋى ءوتتى. جۋىردا سەنات دەپۋتاتتارىنىڭ ءبىر بولىگى سايلاندى. ەندى ءماجىلىس پەن ءماسليحات سايلاۋىن وتكىزۋىمىز كەرەك»، - دەدى پرەزيدەنت.
مەملەكەت باسشىسى كونستيتۋتسيانىڭ 63- ءشى جانە 86- باپتارىنا سايكەس وتكىزگەن كەڭەس بارىسىندا پارلامەنت سەناتىنىڭ ءتوراعاسى ماۋلەن اشىمبايەۆ، پارلامەنت ءماجىلىسىنىڭ ءتوراعاسى ەرلان قوشانوۆ جانە پرەمەر- مينيستر ءاليحان سمايىلوۆ ءسوز سويلەدى.
كەزدەسۋ سوڭىندا پرەزيدەنت بارلىق ايتىلعان وي- تۇجىرىمداردى ەسكەرىپ، ناقتى شەشىم قابىلدايتىنىن مالىمدەدى.
فوتو: akorda.kz
رەداكتور
گۇلنۇر عازيز قىزى