قار تازالاۋشىلارعا كومەكتەسكەن كىشكەنتاي پاۆلودارلىق كوپشىلىكتى ءسۇيسىندىردى

None
پاۆلودار. قازاقپارات - الەۋمەتتىك جەلىدە پاۆلودار قالاسىنىڭ كىشكەنتاي تۇرعىنىنىڭ كۇرەكپەن قاردى تازالاپ جاتقان اسەرلى ۆيدەوسى كوپشىلىكتى ءسۇيسىندىردى، دەپ حابارلايدى قازاقپارات.

ۆيدەودا كورسەتىلگەندەي كوممۋنالدىق قىزمەتكەرلەرگە كۇرەكپەن قار تازالاپ كومەكتەسكەن 3 جاستاعى ادام بوندارەنكوعا پاۆلودار قالاسىنىڭ اكىمى ەرجان يمانزايپوۆ ويىنشىق سىيلادى. بۇل تۋرالى اكىم ءوزىنىڭ Instagram پاراقشاسىندا جازدى.

«بىرنەشە كۇن بۇرىن Instagram الەۋمەتتىك جەلىسىندەگى كىشكەنتاي قالا تۇرعىنىنىڭ كۇرەكپەن قاردى تازالاپ جاتقان اسەرلى ۆيدەوسى جاريالانعان بولاتىن. مەن دە ءوز كەزەگىمدە ادامنىڭ اتا-اناسىنا ۇلىنا بەرىپ جاتقان تاربيەسى ءۇشىن شىن جۇرەكتەن العىسىمدى ايتامىن. ەلىمىزدىڭ بولاشاعى وسىنداي ەڭبەككە قۇشتار بۇلدىرشىندەردىڭ قولىندا ەكەنىنە سەنىمدىمىن»، - دەدى ول.

قازاقستاندىقتار جەلىدە بالانىڭ ەڭبەكقورلىعىن ەرەكشە باعالاپ جازبا قالدىردى.


سوڭعى جاڭالىقتار