21:57, 18 - قاڭتار 2023 | GMT +5
جەڭىلمەگەن قازاق بوكسشى الەم چەمپيونى اتاعى ءۇشىن ايقاسادى
استانا. قازاقپارات - ءبىرىنشى جارتىلاي ورتا سالماقتاعى قازاقستاندىق بوكسشى جانقوش تۇراروۆ (26-0، 19 ك و) تيتۋلدى ايقاسقا دايىندىعىن باستادى، دەپ حابارلايدى Vesti.kz.
جاڭقوش قازاقستاندىق وزگە بوكسشى الي احمەدوۆ جانە باپكەر ساعاتبەك مۇساحانوۆپەن بىرگە تۇسكەن سۋرەتىن جاريالاپتى.
«2023-جىلعى العاشقى جاتتىعۋى باستالدى، جاڭالىق كوپ الدىدا»، - دەپ جازىپتى تۇراروۆ.
جانقوش 18- ناۋرىز قازاقستاندا وتەتىن بوكس كەشىنە قاتىسادى. بۇل ايقاستا ول مەكسيكالىق الەحاندرو مەنەسەسپەن (15-6، 9 ك و) IBO تۇجىرىمى بويىنشا الەم چەمپيونى اتاعىن ساراپقا سالادى.
