17:59, 18 - قاڭتار 2023 | GMT +6
قازاقستان شاحمات فەدەراتسياسىنا جاڭا پرەزيدەنت سايلاندى
استانا. قازاقپارات - ەلىمىزدىڭ شاحمات فەدەراتسياسىنا جاڭا پرەزيدەنت سايلاندى، دەپ حابارلايدى قازاقپارات ءتىلشىسى.
تيمۋر تۋرلوۆتىڭ قازاقستان شاحمات فەدەراتسياسىنىڭ پرەزيدەنتى بولىپ سايلانعانى تۋرالى اقپاراتتى اتالعان ۆەدومستۆونىڭ باسپا ءسوز قىزمەتى راستادى.
تيمۋر رۋسلانوۆيچ تۋرلوۆ 1987-جىلى 13- قاراشادا ماسكەۋدە دۇنيەگە كەلگەن.
كاسىپكەر، قارجىگەر جانە Freedom Holding Corp كومپانياسىنىڭ نەگىزىن قالاۋشى.
2022-جىلى ماۋسىم ايىندا رەسەي ازاماتتىعىنان باس تارتىپ، قازاقستان رەسپۋبليكاسىنىڭ ازاماتتىعىن الدى.
ەسكە سالساق، تيمۋر تۋرلوۆ - پرەزيدەنتتىك جاستار كادر رەزەرۆىنىڭ مۇشەلەرىنىڭ ءىرى بيزنەس وكىلدەرىمەن كەزدەسۋىندە بولعان قۇرمەتتى قوناقتاردىڭ ءبىرى.