ۋنيۆەرسيادا: قازاقستان حوككەيشىلەرى ءبىر تۋر بۇرىن پلەي-وفقا شىقتى
قازاقستاندىق حوككەيشىلەر ۆ توبىندا وڭتۇستىك كورەيا، ۆەنگريا، ۇلى بريتانيا، سلوۆاكيا جانە ا ق ش-پەن سىنعا تۇسۋدە. اتاپ ايتقاندا، 12-قاڭتاردا وڭتۇستىك كورەيانى - 5:1، ودان كەيىن ۆەنگريانى - 9:1، ۇلى بريتانيانى 15:1 ەسەبىمەن جەڭدى.
بۇگىنگى ويىندا قازاقستان قۇراماسىنان ماكسيم مۋحامەتوۆ (8-مينۋت)، ستانيسلاۆ الەكساندروۆ (10-مينۋت)، باتىرلان مۋراتوۆ (20-مينۋت) جانە ولەگ بويكو (29-مينۋت) ءتورت گول سوقتى. وسىلايشا قارسىلاسىنان 4:0 ەسەبىمەن باسىم ءتۇسىپ، جارىستىڭ پلەي-وفف ساتىسىنا ءبىر تۋر بۇرىن جولداما الدى.
سلوۆاكيا قۇراماسى بۇعان دەيىن ۆەنگريانى - 4:0، ۇلى بريتانيانى - 14:0، ا ق ش-تى 5:2 ەسەبىمەن جەڭگەن ەدى.
ەندى قازاقستان ستۋدەنتتەر قۇراماسى 18-قاڭتاردا ا ق ش قۇراماسىمەن كەزدەسەدى.
اتالعان توپتان العاشقى ەكى ورىنداعى قۇرامالار 21-قاڭتاردا وتەتىن جارتىلاي فينالعا جولداما الادى. فينال مەن 3-ورىن ءۇشىن سايىس 22-قاڭتار كۇنى وتكىزىلەدى.
شايبالى حوككەيدەن قازاقستان ستۋدەنتتەر قۇراماسى ءدۇبىرلى دوداعا توعىز مارتە قاتىستى. 1995 -جىلى يسپانيانىڭ حاكا قالاسىندا چەمپيوندىق تۇعىرعا كوتەرىلسە، 1993، 2013، 2015، 2017 -جىلداردا كۇمىس، 2007 -جىلى قولا مەدال يەگەرى اتاندى.
