بىشكەك الەمدەگى ەڭ اۋاسى لاس قالالار تىزىمىندە كوش باستاپ تۇر

None
استانا. قازاقپارات - اۋا ساپاسى رەيتينگىن جاريالايتىن www.iqair.com سايتىنىڭ مالىمەتىنشە، بىشكەك اۋانىڭ لاستانۋى بويىنشا الەمدە ءبىرىنشى ورىندا تۇر، دەپ حابارلايدى قازاقپارات.

سايت مالىمەتىنشە، بىشكەكتەگى اۋانىڭ لاستانۋى - 306 AQI (اۋا ساپاسىنىڭ يندەكسى)، بۇل «قاۋىپتى» دەڭگەيگە سايكەس كەلەدى.

ەكىنشى ورىندا بانگلادەشتىڭ داككا قالاسى تۇرسا (179 AQI)، ءۇشىنشى ورىندا دەلي (ءۇندىستان) - 176 AQI. بۇل قالالاردا اۋانىڭ تازالىق كورسەتكىشى «زياندى» دەپ باعالاندى.

سونداي-اق، ءتىزىمنىڭ العاشقى «وندىعىنا» كالكۋتتا (ءۇندىستان)، كاراچي (پاكىستان)، مۋمباي (ءۇندىستان)، اككرا (گانا)، باعداد (يراك)، تاشكەنت (وزبەكستان) جانە لاحور (پاكىستان) كىرەدى.

ەكولوگتەردىڭ ايتۋىنشا، قالا اتموسفەراسىنىڭ لاستانۋىنا قالادا تاۋدان كەلەتىن جەلدى جاۋىپ تاستاعان كوپقاباتتى ۇيلەردى كوپتەپ سالۋ، سونداي-اق قىستا جەرگىلىكتى تۇرعىنداردىڭ كومىر جاعۋى سەبەپ بولىپ وتىر.

سوڭعى جاڭالىقتار