قازاقستان ورتالىق ازيا مەن كاسپي وڭىرىندەگى تولىققاندى كولىك حابىنا اينالۋعا نيەتتى - پرەزيدەنت

None
استانا. قازاقپارات - مەملەكەت باسشىسى Abu Dhabi Ports Group كومپانياسىنىڭ باس ديرەكتورى مۇحاممەد ءال-شاميسيمەن كەزدەستى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

كەزدەسۋ بارىسىندا كولىك جانە لوگيستيكا سالاسىنداعى ينۆەستيتسيالىق جوبالاردى ىسكە اسىرۋ پەرسپەكتيۆالارى تالقىلاندى.

پرەزيدەنت Abu Dhabi Ports Group كومپانياسىنىڭ كاسپي تەڭىزىندەگى تەڭىز جانە پورت ينفراقۇرىلىمىن دامىتىپ، «قازمۇنايگاز» ۇلتتىق كومپانياسىمەن ستراتەگيالىق سەرىكتەستىك ورناتۋ جونىندە كەلىسىمگە قول قويۋ جوسپارىن قۇپتادى.

مەملەكەت باسشىسى قازاقستاننىڭ ورتالىق ازيا مەن كاسپيي وڭىرىندەگى تولىققاندى كولىك حابىنا اينالۋعا نيەتتى ەكەنىن جانە كولىك باعىتتارىن ءارتاراپتاندىرۋ جۇمىستارىن جۇرگىزىپ جاتقانىن جەتكىزدى.

اتاپ ايتقاندا، ەلىمىز ترانسكاسپي حالىقارالىق كولىك باعىتى مەن سولتۇستىك-وڭتۇستىك كولىك ءدالىزىن بەلسەندى دامىتىپ كەلەدى.

مۇحاممەد ءال-شاميسي كەزدەسكەنى ءۇشىن قاسىم-جومارت توقايەۆقا العىس ايتىپ، قازاقستاندىق كومپانيالارمەن ىنتىماقتاستىق ورناتۋ جوسپارى تۋرالى ايتتى. Abu Dhabi Ports كومپانياسى كاسپي تەڭىزى مەن جالپى ءوڭىردىڭ كولىك-لوگيستيكا سالاسىندا ءوزارا ءتيىمدى سەرىكتەستىك ورناتىپ، ءتۇرلى تەڭىز قىزمەتى مەن شەشىمدەر ۇسىنۋدى كوزدەپ وتىر.

سوڭعى جاڭالىقتار