ۋنيۆەرسيادا: قازاقستاندىق مانەرلەپ سىرعاناۋشى ءتورتىنشى ورىن الدى
ا ق ش- تىڭ لەيك-پلەسيد قالاسىندا ءوتىپ جاتقان ءدۇبىرلى دودادا ەرلەر اراسىندا ەلىمىزدىڭ اتىنان ميحايل شايدوروۆ پەن دياس جيرەنبايەۆ سىنعا ءتۇستى. قىسقا باعدارلامادا م. شايدوروۆ 6، د. جيرەنبايەۆ 16-ورىنعا يە بولدى.
وسىلايشا ولار ەركىن باعدارلامادا ويىن كورسەتۋگە مۇمكىندىك الدى.
ەركىن باعدارلامادا م. شايدوروۆ 156.03 بال جيناپ، ءۇشىنشى ورىن الدى. قوسسايىستىڭ ناتيجەسىمەن ول 231.08 بال ەنشىلەدى. بۇل وعان جۇلدەگەرلەر قاتارىنان كورىنۋگە مۇمكىندىك بەرگەن جوق. ناتيجەسىندە ءتورتىنشى ورىندى مىسە تۇتتى.
ال د. جيرەنبايەۆ ەركىن باعدارلامادا 135.52 ۇپاي جيناپ، 9-ورىنعا يە بولدى. ەكى سايىستىڭ قورىتىندىسىمەن ول 196.41 ۇپاي الىپ، 11-ورىنعا تۇراقتادى.
ايتا كەتسەك، م. شايدۋروۆ بىلتىر مانەرلەپ سىرعاناۋدان جاس وسپىرىمدەر اراسىنداعى الەم چەمپيوناتىنىڭ كۇمىس جۇلدەگەرى اتانعان ەدى.
ەسكە سالساق، ءدۇبىرلى دودادا 14- قاڭتاردا قازاقستاندىق بياتلونشى ۆاديم كۋرالەس 15 شاقىرىم قاشىقتىقتا جەكەلەي سىندا مارە سىزىعىن ءبىرىنشى بولىپ قيدى.
