وزبەكستانداعى اياز: تاشكەنت اكىمى مەن باسقا دا شەنەۋنىكتەر قىزمەتىنەن بوساتىلدى

None
تاشكەنت. قازاقپارات – ءو ز ا - وزبەكستان پرەزيدەنتى شاۆكات ميرزيايەۆتىڭ قاتىسۋىمەن ەنەرگيا رەسۋرستارىمەن قامتاماسىز ەتۋ جونىندە كەڭەس ءوتتى.

بۇل تۋرالى قازاقپارات ءو ز ا سىلتەمە جاساپ حابارلايدى.

«مەنى سۋىقتان قيىندىق كورىپ جاتقان ءار وتباسىنىڭ، ءاربىر ادامنىڭ كوڭىل-كۇيى مەن سەزىمى قاتتى الاڭداتۋدا»، - دەدى وزبەكستان پرەزيدەنتى.

جيىندا تاشكەنت قالاسىنىڭ بارلىق دەڭگەيدەگى باسشىلارى قازىرگى جاعدايعا دايىن ەمەستىگى ءۇشىن قاتاڭ سىنعا الىندى.

تاشكەنت قالاسىنىڭ باس جوسپارى ءالى بەكىتىلمەگەندىكتەن، رۇقساتسىز سالىنعان نىسانداردىڭ سانى 250 دەن اسىپ كەتكەنى، قۇرىلىسقا رۇقسات بەرىلگەندە قولدانىستاعى ينفراقۇرىلىمعا تۇسەتىن سالماقتىڭ ناقتى ەسەبىنىڭ جۇرگىزىلمەۋى، باعانىڭ وسۋىنە جول بەرمەۋ شارالارىنىڭ قابىلدانباۋى ەلوردا بيلىگىنە ءۇزىلدى-كەسىلدى قارسىلىق ءبىلدىردى.

سوندىقتان تاشكەنت قالاسىنىڭ مەرى ج. ارتىكحۋدجايەۆ جاعدايدى الدىن الا باعالاپ، قىس ماۋسىمىنا دايىندىقتىڭ جەتكىلىكسىزدىگى سەبەپتى قىزمەتىنەن بوساتىلدى.

«يۋنۋساباد»، «مىرزا ۋلۋگبەك»، «ۋچتەپا» اۋداندارىنىڭ اكىمدەرى دە قىزمەتتەرىنەن بوساتىلىپ، اكىمدەردىڭ مىندەتىن اتقارۋشى قىزمەتىنە تومەندەتىلدى. مەملەكەتتىك قاۋىپسىزدىك قىزمەتى مەن باس پروكۋراتۋراعا ولاردىڭ قىزمەتىن زەردەلەۋ تاپسىرىلدى.

بۇدان بولەك «جىلۋ ەلەكتر ستانتسيالارى» اكسيونەرلىك قوعامىنىڭ ءتوراعاسى ف. ابدۋراحمانوۆ قىزمەتىنەن بوساتىلدى.

تاشكەنت قالاسى اكىمىنىڭ ءبىرىنشى ورىنباسارى ب. راحمانوۆ تاشكەنت قالاسى اكىمىنىڭ مىندەتىن اتقارۋشى بولىپ، باس پروكۋروردىڭ ورىنباسارى ە. يۋلداشيەۆ قالا پروكۋرورى بولىپ تاعايىندالدى.

ايتا كەتسەك، تاشكەنتتە سوڭعى 50 جىلداعى ەڭ سۋىق تەمپەراتۋرا تىركەلدى. سونىمەن قاتار ەلدەگى سۋىق اۋا رايىنا بايلانىستى حالىقارالىق باعىتتار بويىنشا تۇراقتى اۆتوبۋس قاتىناسى ۋاقىتشا توقتاتىلدى.

سوڭعى جاڭالىقتار