مەملەكەت باسشىسى «ابۋ دابي تۇراقتى دامۋ اپتالىعى» سامميتىنىڭ اشىلۋ راسىمىنە قاتىستى

None
استانا. قازاقپارات - مەملەكەت باسشىسى بىرىككەن اراب امىرلىكتەرىنە رەسمي ساپارى اياسىندا «ابۋ دابي تۇراقتى دامۋ اپتالىعى» سامميتىنىڭ اشىلۋ راسىمىنە قاتىستى، دەپ حابارلايدى اقوردانىڭ باسپا ءسوز قىزمەتى.

سامميتتىڭ ماقساتى - جاھاندىق قوعامداستىقتى بىرىكتىرەتىن جانە ءتۇرلى ماسەلەلەردە، جاڭاشىل سەرىكتەستىك قاتىناستار مەن يننوۆاتسيالىق شەشىمدەردە كەلىسىمگە قول جەتكىزۋ ءۇشىن كونسترۋكتيۆتى ديالوگقا جول اشاتىن ورنىقتى دامۋ سالاسىنىڭ كۇن ءتارتىبىن قالىپتاستىرۋ جانە كليماتتىڭ وزگەرۋ ماسەلەلەرى جونىندەگى ب ۇ ۇ 28-كونفەرەنسياسىنا (COP28) تىڭ سەرپىن بەرۋ.

سونىمەن قاتار جيىنعا بىرىككەن اراب امىرلىكتەرىنىڭ پرەزيدەنتى شەيح مۇحاممەد بەن زايد ءال ناحايان، وڭتۇستىك كورەيا پرەزيدەنتى يۋن سوك ەل، ازەربايجان پرەزيدەنتى يلحام اليەۆ، انگولا پرەزيدەنتى جۋان لورەنسۋ، مىسىر سىرتقى ىستەر ءمينيسترى، كليماتتىڭ وزگەرۋى جونىندەگى ب ۇ ۇ «COP27» كونفەرەنسياسى سەسسياسىنىڭ 27-پرەزيدەنتى ساميح شۋكري، سونداي-اق ساياساتكەرلەر، جاڭارتىلاتىن ەنەرگيا، تەحنولوگيالىق دامۋ جانە يننوۆاتسيا سالالارىنىڭ جەتەكشىلەرى، ينۆەستورلار مەن كاسىپكەرلەر قاتىستى.

سوڭعى جاڭالىقتار