عالىمدار ينسۋلتتىڭ ءبىر اپتا بۇرىن پايدا بولاتىن بەلگىلەرىن انىقتادى

استانا. قازاقپارات - ينسۋلت پەن ينفاركت - بۇل كەنەتتەن ولىمگە اكەلەتىن اۋرۋلار. كوبىنەسە ادام وزىندە بۇل اۋرۋلار بار دەپ كۇدىكتەنبەيدى. عالىمدار زەرتتەۋ جۇرگىزىپ ونىڭ الدىن الا پايدا بولاتىن بەلگىلەرىن ايتتى.

ينسۋلتتىڭ الدىن الا پايدا بولاتىن بەلگىلەرى:

• بەت - اسيممەتريا پايدا بولادى، كۇلگەندە بايقالادى. قاباق ءتۇسۋى مۇمكىن؛

•قول - قولدىڭ نەمەسە اياقتىڭ السىزدىگى، ادام ءجيى ەكى قولىن ءبىر ۋاقىتتا كوتەرە المايدى؛

•سويلەۋ - ادام سويلەي المايدى، وعان نە ايتىلعانىن تۇسىنۋدە قيىندىقتار بولۋى مۇمكىن؛

•سەزۋ - دەنەنىڭ كەز كەلگەن بولىگىندەگى سەزىمتالدىقتىڭ بۇزىلۋى، جانسىزدانۋ.

«كەيبىر جاعدايلاردا شابۋىل كەنەتتەن بولمايدى - ينسۋلتكە دەيىن ادام دەنساۋلىعىندا كەيبىر وزگەرىستەردى سەزىنەدى»، - امەريكالىق عالىمدار.

ولار شابۋىلدان ءبىر اپتا بۇرىن ادامنىڭ جاعدايى قالاي وزگەرەتىنىن انىقتاۋ ءۇشىن زەرتتەۋ جۇرگىزدى.

سونىمەن، كەلەسى وزگەرىستەردى مىندەتتى تۇردە ەسكەرۋ كەرەك:

•بۇل قوزعالىستىڭ بۇزىلۋى. قوزعالىس ءدال ەمەس، ىڭعايسىز بولادى. تۇرعاندا جانە جۇرگەندە تەپە-تەڭدىك بۇزىلادى؛

• باس اينالۋ. بۇرىن مۇنداي بولماعانىمەن، باس اينالۋ ءجيى بولاتىنىن تۇسىنەسىز؛

• كوز الدىڭىزدا تۇماندانا باستايدى: كوزىڭىزدى ءبىر نارسەگە شوعىرلاندىرۋ قيىن، اينالاداعىنىڭ ءبارى قالقىپ بارا جاتقان نەمەسە الەم قاراڭعىلانىپ كەتكەن سياقتى سەزىلەدى.

«ەگەر بىتەلۋ نەمەسە قان تامىرلارىنىڭ تارىلۋى ۇزاق جىلدار بويى باياۋ دامىسا اۋرۋ تامىردى اينالىپ ءوتىپ، ميدى جەتكىلىكتى قانمەن قامتاماسىز ەتۋ ءۇشىن ۋاقىتىندا جاڭا قان اينالىمى دامۋى مۇمكىن. بۇل ءينسۋلتتىڭ الدىن الادى»، - دەيدى دارىگەر.

ساراپشىنىڭ پىكىرىنشە، كەيبىر اۋرۋلار يشەميالىق ينسۋلتتىڭ دامۋىنا ىقپال ەتۋى مۇمكىن جانە ءقاۋىپتى فاكتورلار سانالادى:

•ەمدەلمەيتىن نەمەسە باقىلانبايتىن جوعارى قان قىسىمى

•قانت ديابەتى،

• ارتىق سالماق،

• جامان ادەتتەر: تەمەكى شەگۋ جانە الكوگولدى اسىرا پايدالانۋ،

• پاسسيۆتى ءومىر سالتى،

•زياندى تاعامعا دەگەن سۇيىسپەنشىلىك.