سەنات سايلاۋىنىڭ الدىن الا ناتيجەسى: قاي وڭىردەن كىمدەر سايلاندى
استانا قالاسى
و س ك جاريالاعان داۋىس بەرۋدىڭ الدىن الا قورىتىندىسىنا ساي، استانادا قالاسى بويىنشا سەنات ءتوراعاسىنىڭ كەڭەسشىسى بيبىگۇل جەكسەنباي (62،2 پايىز) ەڭ كوپ داۋىس جينادى. ۇمىتكەردىڭ كانديداتۋراسىن 18 تاڭداۋشى قولداعان. ەلوردادا تاڭداۋشى رەتىندە تىركەلگەن 31 ءماسليحات دەپۋتاتىنىڭ 29 ى داۋىس بەرۋگە قاتىستى.
الماتى قالاسى
مەگوپوليستە تاڭداۋشى رەتىندە تىركەلگەن 37 ماسليحات دەپۋتاتى تاڭداۋلارىن جاسادى. داۋىس بەرۋدىڭ الدىن الا ناتيجەسىنە سايكەس، «الماتى قالاسىن دامىتۋ ورتالىعى» ا ق باسقارما ءتوراعاسىنىڭ كەڭەسشىسى جاننا اسانوۆا ەڭ كوپ داۋىس جينادى. ونىڭ كانديداتۋراسىن 23 تاڭداۋشى قولدادى.
«Youthart» ق ق ديرەكتورى كريستينا يۋريەۆنا بەكمۋرزايەۆاعا - 3، «الماتى مەملەكەتتىك سەرۆيس جانە تەحنولوگيالار كوللەدجى» م ك ق ك ديرەكتورى جاركىن جانيازوۆاعا - 2، الماتى قالاسى جەتىسۋ اۋدانىنىڭ اكىمى گۇلنار كوكەبايەۆاعا 8 ادام داۋىس بەردى.
شىمكەنت قالاسى
ورتالىق سايلاۋ كوميسسياسىنىڭ مالىمەتىنشە، شىمكەت قالاسىنان تاڭداۋشى رەتىندە تىركەلگەن ماسليحاتتىڭ 30 دەپۋتاتى داۋىس بەرۋگە تولىق قاتىستى. الدىن الا ناتيجەگە سايكەس، ءۇش ۇمىتكەردىڭ ىشىنەن ق ر پارلامەنتى سەناتىنىڭ دەپۋتاتى نۇرلان بەكنازاروۆ (76،7 پايىز) ەڭ كوپ داۋىس جينادى. ونىڭ كانديداتۋراسىن 23 تاڭداۋشى قولداعان.
اباي وبلىسى
و س ك اقپاراتىنا قاراعاندا، اباي وبلىسىنان تاڭداۋشى رەتىندە تىركەلگەن 123 ماسليحات دەپۋتاتىنىڭ 108 ى داۋىس بەرۋ بويىنشا بىرلەسكەن وتىرىستا تاڭداۋ جاسادى. داۋىس بەرۋدىڭ الدىن ناتيجەسىنە سايكەس، سەمەي قۇرىلىس كوللەدجىنىڭ ديرەكتورى قايرات تاستەكەيەۆ 82،4 پايىز داۋىس جينادى. ونىڭ كانديداتۋراسىن 89 تاڭداۋشى قولداعان.
اقمولا وبلىسى
اقمولا وبلىسىندا دا ق ر پارلامەنتى سەناتىنىڭ دەپۋتاتىن سايلاۋ اياقتالدى. تالعات ءجۇنىسوۆ (90،9 پايىز) ەڭ كوپ داۋىس جينادى. اقمولا وبلىسىنان ق ر پارلامەنتى سەناتىنىڭ دەپۋتاتتىعىنا ءۇش ادام ۇمىتكەر بولعان. سايلاۋ كوكشەتاۋ قالاسىنداعى «Bolashaq saraiy» سارايى عيماراتىندا ءوتتى. وندا وڭىردەگى ءار دەڭگەيدەگى ءماسليحاتتاردىڭ 233 دەپۋتاتىنىڭ 219 ى نەمەسە 94 پايىزى داۋىس بەردى، 14 ءتۇرلى سەبەپتەرمەن داۋى بەرۋگە قاتىسا المادى.
اقتوبە وبلىسى
ورتالىق سايلاۋ كوميسسياسى ۇسىنعان اقپاراتقا سايكەس، اقتوبە وبلىسى بويىنشا ۇمىتكەر رەتىندە تىركەلگەن امانگەلدى نۇعانوۆ (83،1 پايىز) ەڭ كوپ داۋىس جينادى. ال ەكىنشى كانديدات دانا بەكباۋوۆاعا - 15، راحىم بەكنازاروۆقا - 11، امانگەلدى نۇعمانوۆقا 148 ادام داۋىس بەردى. ال 4 تاڭداۋشى «بارىنە قارسىمىن» دەگەن تاڭداۋ جاسادى.
الماتى وبلىسى
الماتى وبلىسىندا سەنات دەپۋتاتتىعىنا ۇمىتكەر جانبولات جورگەنبايەۆ كوپ داۋىس جينادى. اتالعان وڭىردە تاڭداۋشى رەتىندە تىركەلگەن ماسليحات دەپۋتتارىنىڭ سانى - 204. سايلاۋشىلاردىڭ بىرلەسكەن وتىرىسىنا ولاردىڭ 185 ى قاتىسىپ، داۋىس بەردى. و س ك جاريالاعان داۋىس بەرۋدىڭ الدىن الا قورىتىندىسىنا سايكەس، ۇمىتكەر رەتىندە تىركەلگەن ءۇش كانديداتتىڭ ىشىنەن سەنات دەپۋتاتى جانبولات جورگەنبايەۆ (83،2 پايىز) باسىم داۋىس جينادى. ونىڭ كانديداتۋراسىن 154 تاڭداۋشى قولداعان.
اتىراۋ وبلىسى
و س ك دەرەگىنشە، اتىراۋ وبلىسىندا سەنات سايلاۋىندا الىبەك ناۋتييەۆكە (68،6 پايىز) كوپ داۋىس بەرىلدى. سەنات سايلاۋى اتىراۋ قالاسىنداعى قۇرمانعازى اتىنداعى مادەنيەت ۇيىندە ءوتتى. سايلاۋعا اتىراۋ قالالىق جانە جەتى اۋداندىق ءماسليحاتىنىڭ 119 دەپۋتاتى قاتىستى. ال، 13 دەپۋتات بەلگىلى سەبەپتەرمەن سايلاۋعا قاتىسقان جوق.
اتالعان وڭىردەن سەنات دەپۋتاتى بولۋ ءۇشىن 3 كانديدات تىركەلگەن. ونىڭ ىشىندە 1 ايەل، 2 ەر ادام بار.
باتىس قازاقستان وبلىسى
داۋىس بەرۋدىڭ الدىن الا ناتيجەسى بويىنشا باتىس قازاقستان وبلىسىندا ارمان وتەعۇلوۆ 74 پايىز، داۋىس جينادى. ونىڭ كانديداتۋراسىن 172 تاڭداۋشىنىڭ 127 سى قولداعان.
جامبىل وبلىسى
جامبىل وبلىسى بويىنشا داۋىس بەرۋدىڭ الدىن الا ناتيجەسىنە سايكەس، ەڭ كوپ داۋىستى شۋ اۋدانىنىڭ اكىمى ساكەن ارۋبايەۆ (89،3 پايىز) جينادى. و س ك اقپاراتىنا قاراعاندا، اتالعان وڭىردەن تاڭداۋشى رەتىندە تىركەلگەن 204 ماسليحات دەپۋتاتىنىڭ 179 ى داۋىس بەرۋ بويىنشا بىرلەسكەن وتىرىستا تاڭداۋ جاسادى.
جەتىسۋ وبلىسى
الدىن الا دەرەك بويىنشا سەنات سايلاۋىندا جەتىسۋ وبلىسىنان امانگەلدى تولاميسوۆ (76،3 پايىز) باسىم داۋىس جينادى. سەنات دەپۋتاتىنا داۋىس بەرۋگە 132 دەپۋتات قاتىستى. ونىڭ 100^- ء^і امانگەلدى تولاميسوۆكە داۋىس بەردى. ال ەكىنشى كانديدات عابيت تۇرسىنبايدى 29 حالىق قالاۋلىسى تاڭدادى.
ايتا كەتەيىك، جەتىسۋ وبلىسىنان سەنات دەپۋتاتتاتى بولۋعا ەكى كانديدات ءتۇستى.
قاراعاندى وبلىسى
ورتالىق سايلاۋ كوميسسياسى ۇسىنعان داۋىس بەرۋدىڭ الدىن الا ناتيجەسىنە ساي، قاراعاندى وبلىسى بويىنشا سەرىك وتەشوۆ (78،2 پايىز) كوپ داۋىس جينادى. قاراعاندى وبلىسىندا سەناتور مانداتىنا ءۇش ادام ۇمىتكەر بولعان ەدى. پارلامەنتتىڭ جوعارعى پالاتاسىنا سايلاۋ قاراعاندى كەنشىلەر مادەنيەت سارايىنىڭ عيماراتىندا ءوتتى. داۋىس بەرۋگە وبلىستىڭ بارلىق دەڭگەيدەگى 14 ءماسليحاتىنىڭ 191 سايلاۋشى - دەپۋتاتتارى جينالدى. ونىڭ ىشىندە 147 تاڭداۋشى سەرىك وتەشوۆكە داۋىس بەرگەن.
قوستاناي وبلىسى
ق ر پارلامەنتى سەناتىنىڭ دەپۋتاتتارىن سايلاۋدا قوستاناي وبلىسى بويىنشا ۇمىتكەر رەتىندە تىركەلگەن عاۋەز نۇرمۇحامبەتوۆتىڭ كانديداتۋراسىن 212 تاڭداۋشى قولدادى. اتالعان وڭىردە تاڭداۋشى رەتىندە تىركەلگەن ماسليحات دەپۋتتارى كوپ - 263. سايلاۋشىلاردىڭ بىرلەسكەن وتىرىسىنا ولاردىڭ 255 ى قاتىسىپ، داۋىس بەردى. و س ك جاريالاعان داۋىس بەرۋدىڭ الدىن الا قورىتىندىسىنا سايكەس، ۇمىتكەر رەتىندە تىركەلگەن ءۇش كانديداتتىڭ ىشىنەن قوستاناي وبلىسى اكىمىنىڭ ءبىرىنشى ورىنباسارى عاۋەز نۇرمۇحامبەتوۆ (83،1 پايىز) كوپ داۋىس جينادى.
قىزىلوردا وبلىسى
و س ك دەرەگىنشە، قىزىلوردا بويىنشا داۋىس بەرۋدىڭ الدىن الا قورىتىندىسىنا سايكەس، رۋسلان رۇستەموۆ (67،4 پايىز) داۋىس جينادى. ق ر پارلامەنتى سەناتى دەپۋتاتى سايلاۋىندا وبلىستاعى 147 ءماسليحات دەپۋتاتىنىڭ 141 ى داۋىس بەرۋگە قاتىستى. داۋىس بەرۋ ناتيجەسىندە جورابەك نۇرىمبەتوۆكە - 18، رۋسلان رۇستەموۆكە - 95، اسىلبەك شامەنوۆكە - 27 تاڭداۋشى قولداۋ بىلدىرگەن.
ماڭعىستاۋ وبلىسى
ورتالىق سايلاۋ كوميسسياسىنىڭ اقپاراتىرنا قاراعاندا ماڭعىستاۋ وبلىسىندا تاڭداۋشى رەتىندە تىركەلگەن 127 ماسليحات دەپۋتاتىنىڭ 119-ى تاڭداۋ جاسادى. داۋىس بەرۋدىڭ الدىن الا ناتيجەسىنە سايكەس، بەكبول ورىنباساروۆ (72 پايىز) داۋىس جينادى. ونىڭ كانديداتۋراسىن 85 تاڭداۋشى قولداعان. ال وزگە ۇمىتكەرلەر يرينا بەليايەۆاعا - 16، عابباس دوساتوۆقا - 16 دەپۋتات داۋىس بەرگەن.
پاۆلودار وبلىسى
ورتالىق سايلاۋ كوميسسياسى ق ر پارلامەنتى سەناتىنىڭ دەپۋتاتتارىن سايلاۋدا پاۆلودار وبلىسى بويىنشا دا داۋىس بەرۋدىڭ الدىن الا ناتيجەسىن جاريالادى. وعان ساي، ۇمىتكەر رەتىندە تىركەلگەن پاۆلودار وبلىستىق ءماسليحاتىنىڭ حاتشىسى ەرنۇر ايتكەنوۆ (87،1 پايىز) ەڭ كوپ داۋىس جينادى. ونىڭ كانديداتۋراسىن قولداپ، 148 تاڭداۋشى داۋىس بەردى.
سولتۇستىك قازاقستان وبلىسى
و س ك حابارلاعانداي، ق ر پارلامەنتى سەناتىنىڭ دەپۋتاتتارىن سايلاۋدا سولتۇستىك قازاقستان وبلىسى بويىنشا ۇمىتكەر رەتىندە تىركەلگەن گۇلميرا كارىموۆا (80،4 پايىز) كوپ داۋىس جينادى. ونىڭ كانديداتۋراسىن 187 تاڭداۋشىنىڭ 144 ى قولدادى.
تۇركىستان وبلىسى
تۇركىستان وبلىسىندا وتكەن سايلاۋعا 278 ءماسليحات دەپۋتاتى قاتىسىپ، ءوز تاڭداۋلارىن جاسادى. ال، 39 دەپۋتات بەلگىلى سەبەپتەرگە بايلانىستى قاتىسا المادى. ورتالىق سالاۋ كوميسسياسىنىڭ مالىمەتىنشە، ەكى ۇمىتكەردىڭ ىشىنەن جەتىساي اۋدانىنىڭ اكىمى مۇرات قادىربەك (72،5 پايىز) ەڭ كوپ داۋىس جيناعان. ونىڭ كانديداتۋراسىن 200 تاڭداۋشى قولداعان. ال ەكىنشى ۇمىتكەر - ميرامبەك اقمۇراتوۆقا 69 ادام داۋىس بەرگەن. 7 تاڭداۋشى بارىنە قارسىمىن بولىگىن بەلگىلەسە، 2 بيۋللەتەن جارامسىز دەپ تانىلعان.
ۇلىتاۋ وبلىسى
اتالعان وڭىردە تاڭداۋشى رەتىندە تىركەلگەن ماسليحات دەپۋتتارىنىڭ سانى - 69. سايلاۋشىلاردىڭ بىرلەسكەن وتىرىسىنا ولاردىڭ 61 ى قاتىسىپ، داۋىس بەردى. و س ك جاريالاعان داۋىس بەرۋدىڭ الدىن الا قورىتىندىسىنا سايكەس، ۇمىتكەر رەتىندە تىركەلگەن ءۇش كانديداتتىڭ ىشىنەن سەنات دەپۋتاتى سوۆەتبەك مەدەبايەۆ (61،7 پايىز) كوپ داۋىس جينادى. ونىڭ كانديداتۋراسىن 37 تاڭداۋشى قولداعان.
شىعىس قازاقستان وبلىسى
بۇل وبلىستا تاڭداۋشى رەتىندە جالپى سانى 146 ءماسليحات دەپۋتاتى تىركەلگەن. الايدا، سايلاۋشىلاردىڭ بىرلەسكەن وتىرىسىنا ولاردىڭ 122 سى قاتىسىپ، داۋىس بەردى. و س ك شىعارعان داۋىس بەرۋدىڭ الدىن الا قورىتىندىسىنا ساكەس، ۇمىتكەر رەتىندە تىركەلگەن شىعىس قازاقستان وبلىسى اكىمىنىڭ ورىنباسارى شاكارىم بۇقتىعۇتوۆ (86 پايىز) كوپ داۋىس جينادى. ونىڭ كاديداتۋراسىن كانديداتۋراسىن 104 تاڭداۋشى قولداعان.
