زەينەت جاسىن بالا سانىنا قاراي تومەندەتۋ ماسەلەسىن قاراۋ ءۇشىن جۇمىس توبى قۇرىلدى

None
استانا. قازاقپارات - ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ايەلدەردىڭ زەينەت جاسىن وتباسىنداعى بالا سانىنا قاراي تومەندەتۋ مۇمكىندىگىنە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

ءيا، ءبىز ءماجىلىس دەپۋتاتى ا. جامالوۆتىڭ بالا سانىنا قاراي ايەلدەردىڭ زەينەت جاسىن تومەندەتۋ تۋرالى ۇسىنىسىن قاراستىرىپ جاتىرمىز. جۇمىس توبى قۇرىلدى. اتالعان جۇمىس توبى شاحتەرلەردىڭ دە زەينەتكە شىعۋ ماسەلەسىن قارايدى. كەلىپ تۇسكەن ۇسىنىستاردىڭ ءبارى قارالادى. جالپى، قولدانىستاعى زاڭعا سايكەس 5 بالاسى بار ايەلدەرگە 53 جاستان زەينەتكە شىعۋعا بولادى، -

دەدى تامارا دۇيسەنوۆا و ك ق- دە وتكەن بريفينگىدە.

ەسكە سالساق، ءماجىلىس دەپۋتاتى امانجان جامالوۆ ايەلدەردىڭ زەينەتكە شىعۋ جاسىن بالا سانىنا قاراي تومەندەتۋدى ۇسىنعان بولاتىن.

«ستاتيستيكاعا قاراساق، كەيىنگى ءۇش جىلدا ايەلدەر اراسىندا ءومىر سۇرۋ ۇزاقتىعى 77 دەن 75,5 جاسقا دەيىن، ياعني 1,5 جىلعا ازايعان. سوندىقتان، ەلىمىزدەگى ايەلدەر زەينەتكەرلىككە ەرتە شىققانى دۇرىس بولار ەدى»، - دەگەن بولاتىن حالىق قالاۋلىسى ۇكىمەت باسشىسىنا ساۋال جولداي وتىرىپ.

ايتا كەتەيىك، بۇگىن ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ورتالىق كوممۋنيكاتسيالار قىزمەتى الاڭىندا ب ا ق وكىلدەرىنىڭ ساۋالدارىنا جاۋاپ بەردى.

بريفينگ بارىسىندا «كۇمىس جاس» جوباسى اياسىندا 50 دەن اسقان ازاماتتارعا قانداي جۇمىستار ۇسىنىلاتىنى بەلگىلى بولدى.

سونداي-اق، الەۋمەتتىك كومەك اياسىندا بەرىلەتىن ازىق-تۇلىك سەبەتىن اقشاعا اۋىستىرۋ سەبەبى ءتۇسىندىرىلدى.

ودان بولەك، ەلىمىزدە ەشقاشان جۇمىس ىستەمەگەن 325 مىڭ ايەل ادام بارى ءمالىم بولدى.

سوڭعى جاڭالىقتار