بەس جىلعا ارنالعان جاستار ساياساتىنىڭ تۇجىرىمداماسى بەكىتىلمەك

None
استانا. قازاقپارات - 2023-2027 -جىلدارعا ارنالعان جاستار ساياساتىنىڭ تۇجىرىمداماسى بەكىتىلۋى مۇمكىن. قۇجاتتى اقپارات جانە قوعامدىق دامۋ مينيسترلىگى اشىق تالقىعا شىعاردى، دەپ حابارلايدى قازاقپارات ءتىلشىسى.

تۇجىرىمداما 6 ءبولىم جانە 7 تاراۋدان تۇرادى. وندا قازىرگى جاستار اراسىنداعى وزەكتى ماسەلەلەر، ولارعا الەۋمەتتىك جەلىلەردىڭ اسەرى، وسكەلەڭ ۇرپاقتىڭ دەنساۋلىعى مەن جاستارعا پاتريوتتىق تاربيە بەرۋ باعىتىنداعى تالداۋلار مەن ۇسىنىستار قامتىلعان.

«جاستار ساياساتىنىڭ تۇجىرىمداماسى ەگەمەندى قازاقستاننىڭ جاڭا سىن-قاتەرلەرى تۇرعىسىنان جاستاردىڭ ءوزىن- ءوزى دامىتۋعا قولايلى جاعداي جاساۋعا باعىتتالعان پروتسەستەردى قامتيدى. سونداي- اق جاستاردى قوعامعا الەۋمەتتىك جانە ەكونوميكالىق تۇرعىدان ينتەگراتسيالاۋ سالاسىنداعى نەگىزگى مىندەتتەر مەن باسىمدىقتاردى ايقىندايدى. قازاقستاننىڭ ۇلتتىق ەكونوميكاسىنىڭ حالىقارالىق ارەناداعى باسەكەگە قابىلەتتىلىگى ءىس جۇزىندە ادامي كاپيتال تۇرعىسىنان رەسپۋبليكانىڭ بولاشاعىنا سالىنعان ستراتەگيالىق ينۆەستيتسيالار بولىپ ەسەپتەلەتىن جاستاردىڭ دامۋ جاعدايىنا تىكەلەي بايلانىستى»، - دەلىنگەن قۇجاتتا.

مينيسترلىك اقپاراتى بويىنشا تۇجىرىمدامانى بەكىتۋ ساپالى جاستار ساياساتىن قالىپتاستىرۋعا مۇمكىندىك بەرمەك.

«جوبانى قابىلداۋ جاستار ساياساتى سالاسىنداعى ءىس- قيمىلداردىڭ ءبىرىڭعاي الگوريتمىن قۇرۋعا، قۇقىقتىق الاڭدا بەكىتىلگەن جاستار الەۋەتىن ىسكە اسىرۋدى ىنتالاندىرۋ تەتىكتەرى مەن قۇرالدارىن قايتا قاراۋعا جانە وزەكتەندىرۋگە مۇمكىندىك بەرەدى»، - دەپ تۇسىندىرمە بەرىلگەن تۇجىرىمداعا.

ۆەدومستۆو بولجامىنشا، تۇجىرىمدامانى ىسكە اسىرۋ ناتيجەسىندە 2027 -جىلعا قاراي كاسىپكەرلىكتى دامىتۋ جوبالارىنا قاتىساتىن جاستاردىڭ ۇلەسى %10 عا دەيىن ارتپاق. بۇعان قوسا، NEET ساناتىنداعى جاستاردىڭ سانىن %5,8 عا دەيىن تومەندەتۋ جوسپارلانعان.

قۇجاتتا قامتىلعان ۇسىنىستار مەن جوسپارلار تۋرالى مىنا سىلتەمە ارقىلى ءوتىپ، تولىق تانىسۋعا بولادى.

2023-2027 -جىلدارعا ارنالعان جاستار ساياساتىنىڭ تۇجىرىمداماسى 26-قاڭتارعا دەيىن كوپشىلىك تالقىلاۋدا بولادى. كەيىن ول قول قويۋ ءۇشىن ۇكىمەت باسشىسىنا جولدانادى.


سوڭعى جاڭالىقتار