ماماندىعى جوق قانداستار قازاقستانعا بەيىمدەۋ ورتالىقتارى ارقىلى كوشەدى
«ەندى قانداستار شەتەلدە وتىرىپ، «ءبىر تەرەزە» قاعيداتى ارقىلى قونىس اۋداراتىن ءوڭىردى تاڭدايدى. پاۆلودار، قوستاناي وبلىسى سياقتى جۇمىس كۇشى تاپشى وڭىرلەردەن ماماندىعى بويىنشا كۆوتا الۋ مۇمكىندىگى بار. بۇل جەردە جوعارى ءبىلىم عانا ەمەس، ورتا ءبىلىم دە ەسكەرىلەدى. ال وڭتۇستىك وڭىرلەردەگى جۇمىس كۇشى كوپ، ال جۇمىس ورنى جوق جەرگە بارۋ ءۇشىن ءوزىنىڭ جاعدايىن ءوزى شەشۋى كەرەك بولادى. جۇمىستى ءوزى تاۋىپ الۋى قاجەت. نە بولماسا بۇعان دەيىن كوشىپ كەلگەن تۋىسقاندارىمەن قوسىلۋ ماسەلەسى بار. بۇل باعىتتا تەتىكتەر كوپ. جاڭا عانا پرەمەر- مينيستر بۇل ماسەلەلەردى ەلگە كەلىپ بارىپ شەشپەي، كوشىپ كەلمەي تۇرىپ شەشىپ الاتىنداي جاعداي جاساۋ تۋرالى تاپسىرما بەردى»، - دەپ ءتۇسىندىردى كوميتەت باسشىسى.
سونداي- اق ول ناقتى ماماندىعى نەمەسە جوعارى ءبىلىمى جوق، ورتا نەمەسە جارتىلاي ورتا ءبىلىمى عانا بار قانداستاردىڭ كوشىپ كەلۋ ءتارتىبى قالاي بولاتىنىن ءتۇسىندىردى.
«بۇگىنگى ۇسىنىستى وزدەرىڭىز ەستىدىڭىزدەر. ول جەردە ءسىز اتاعان ساناتتارداعى قانداستار ەلگە كەلمەي تۇرىپ بەيىمدەۋ ورتالىقتارىمەن بايلانىسادى. ول جەردە، بىرىنشىدەن، ءتىل ماسەلەسى. ەكىنشىدەن، ساۋاتىن كوتەرۋ جانە قىسقا مەرزىمدە جۇمىسقا بەيىمدەۋ ساباقتارىن نەمەسە كۋرستارىن وتەدى. سونىڭ ارقاسىندا ەلگە كەلگەن كەزدە وتباسىمەن بىرگە بەيىمدەلىپ كوشەدى»، - دەدى يلياس يسپانوۆ.
