13:55, 12 - قاڭتار 2023 | GMT +6
جوعارى سىنىپ وقۋشىلارى اتتەستاتقا قوسا كوللەدج ديپلومىن دا الا الادى - مينيستر
استانا. قازاقپارات - وقۋ- اعارتۋ ءمينيسترى عاني بەيسەمبايەۆ تەحنيكالىق جانە كاسىپتىك ءبىلىم بەرۋدەگى ماڭىزدى وزگەرىستەردى اتادى، دەپ حابارلايدى قازاقپارات ءتىلشىسى.
«تەحنيكالىق جانە كاسىپتىك ءبىلىم بەرۋدە كوللەدجدەر بازاسىندا جوعارى سىنىپ وقۋشىلارىنا جۇمىس بىلىكتىلىگىن بەرۋ بويىنشا پيلوتتىق جوبانى ىسكە قوسامىز. بۇل وقۋدى اياقتاعاننان كەيىن وقۋشىلارعا مەكتەپ اتتەستاتىمەن قاتار كوللەدج ديپلومىن الۋعا جانە ەڭبەك نارىعىنا شىعۋعا مۇمكىندىك بەرەدى»، - دەدى عاني بەيسەمبايەۆ ەلوردادا وتكەن مينيسترلىكتىڭ القا وتىرىسىندا.
ءمينيستردىڭ ايتۋىنشا، بيىلعى جىلدان باستاپ، باسقا قالادان كەلگەن ستۋدەنتتەرگە راستايتىن قۇجاتتارسىز دەمالىس ۋاقىتىندا جول ءجۇرۋ ءۇشىن وتەماقى (4 ا ە ك) تولەنەتىن بولادى.
سونىمەن بىرگە، كوللەدج باسشىلارى كوشباسشىلىق جانە مەنەدجمەنت بويىنشا بىلىكتىلىگىن ارتتىرادى.
اۆتور
ايجان سەرىكجان قىزى
