ساۋدا وبەكتىلەرى قۇرىلىسىنا جەر بەرۋ ماسەلەسى قايتا پىسىقتالادى

استانا. قازاقپارات - ساۋدا جانە ينتەگراتسيا مينيسترلىگىنىڭ كەڭەيتىلگەن القا وتىرىسىندا ۆەدومستۆو باسشىسى سەرىك جۇمانعارين ساۋدا وبەكتىلەرىن سالۋعا جەر بەرۋ ماسەلەسى قايتا پىسىقتالاتىنىن ايتتى، دەپ حابارلايدى «قازاقپارات» ءتىلشىسى.

«ساۋداداعى نەگىزگى ماسەلەلەردى شەشۋ ءۇشىن ءبىرقاتار ءتيىمدى شارالار ۇسىنىلادى. ونىڭ ىشىندە ساۋدا سالاسىنا ينۆەستيتسيا تارتۋ، مەملەكەتتىك ىنتالاندىرۋ، ساۋدا وبەكتىلەرىن سالۋ ءۇشىن جەر ۋچاسكەلەرىن بەرۋ ماسەلەسى قايتا پىسىقتالادى. سونىمەن قوسا، 70 زاماناۋي كوكونىس قويماسىن سالۋ قاجەت. 2027-جىلعا قاراي قازىرگى ساۋدا فورماتتارىنىڭ ۇلەسىن 31 پايىزدان 70 پايىزعا دەيىن جەتكىزۋ مىندەتى قويىلدى»، - دەدى سەرىك جۇمانعارين.

ءمينيستردىڭ مالىمدەۋىنشە، بۇل شارالاردان وزگە، 2025-جىلعا قاراي ەلەكتروندىق ساۋدانىڭ ۇلەسىن بولشەك تاۋار اينالىمىنىڭ 15 پايىزىنا دەيىن تەڭەستىرۋ جوسپارلانعان.