21:58, 11 - قاڭتار 2023 | GMT +6
ءىرى ساۋدا نىساندارى مەن بازارلاردىڭ جۇمىسى سيفرلاندىرىلادى
استانا. قازاقپارات - ساۋدا جانە ينتەگراتسيا مينيسترلىگى ەلدەگى ءىرى ساۋدا نىساندارى مەن بازارلاردىڭ جۇمىسىن سيفرلاندىرماقشى، دەپ حابارلايدى قازاقپارات ءتىلشىسى.
بۇل تۋرالى ۆەدومستۆونىڭ كەڭەيتىلگەن القا ماجىلىسىندە ءبىرىنشى ۆيتسە-مينيستر ارمان شاققاليەۆ ءمالىم ەتتى.
«ءبىز ساۋدا ينفراقۇرىلىمىن قۇرىپ، وعان وندىرۋشىلەر قول جەتكىزۋ ءۇشىن ماڭىزدى تالاپتاردى ەنگىزدىك. ەڭ تومەنگى كوتەرمە باعانى بەلگىلەۋ ارقىلى باعانى تۇراقتاندىرۋ تەتىكتەرى مەن باعا دەمپينگىنە توسقاۋىل قويۋ كوزدەلگەن. رەتتەلەتىن ساۋدا قىزمەتى سالاسىنداعى زاڭنامانىڭ ساقتالۋىن مەملەكەت تاراپىنان باقىلاۋ تەتىگىن جۇرگىزۋدىڭ ناقتى الگوريتمى جازىلعان. اۋدانى 2 مىڭ شارشى مەتردەن اساتىن بازارلار مەن ءىرى ساۋدا وبەكتىلەرىن تسيفرلاندىرۋ ارقىلى اقپاراتتىق جۇيە قۇرۋ كوزدەلگەن»، - دەدى ول.
ونىڭ ايتۋىنشا، اتالعان زاڭدى ىسكە اسىرۋ ءۇشىن 8 نورماتيۆتىك-قۇقىقتىق اكتىنىڭ جوباسى ازىرلەنگەن.
