ۇكىمەت قۇرامىنا جاڭادان ەنگەن مينيسترلەر انت بەردى

None
استانا. قازاقپارات - بۇگىن ۇكىمەت وتىرىسىندا مينيسترلەر كوميتەتىنە العاش قابىلدانعان ءبىرقاتار مينيستر انت بەردى، دەپ حابارلايدى قازاقپارات ءتىلشىسى.

اتاپ ايتقاندا، ق ر ادىلەت ءمينيسترى ازامات ەسقارايەۆ، يندۋستريا جانە ينفراقۇرىلىمدىق دامۋ ءمينيسترى مارات قارابايەۆ، ەكولوگيا جانە گەولوگيا ءمينيسترى ءزۇلفيا سۇلەيمەنوۆا، وقۋ-اعارتۋ ءمينيسترى عاني بەيسەمبايەۆ، مادەنيەت جانە سپورت ءمينيسترى اسحات ورالوۆ بۇگىنگى ۇكىمەت وتىرىسىندا انت قابىلدادى.

«قازاقستان رەسپۋبليكاسىنىڭ حالقى مەن پرەزيدەنتى الدىندا ءوز وتانىم - قازاقستان رەسپۋبليكاسىنىڭ ەكونوميكالىق جانە رۋحاني دامۋ ىسىنە بارلىق كۇش-جىگەرىم مەن ءبىلىمىمدى جۇمساۋعا، مەملەكەتتىڭ كونستيتۋتسياسى مەن زاڭدارىن قاتاڭ ساقتاۋعا، ءوزىمنىڭ ءىس ارەكەتىمدە زاڭدىلىق پەن ادىلەتتىلىك، ازاماتتىق، ۇلتارالىق جانە كونفەسسياارالىق تاتۋلىق پرينتسيپتەرىن ۇستانۋعا، قازاقستان حالقىنا ادال قىزمەت ەتۋگە، ءوز ەلىمنىڭ مەملەكەتتىلىگى مەن دۇنيەجۇزىلىك قوعامداستىقتاعى بەدەلىن نىعايتا بەرۋگە انت ەتەمىن»، - دەلىنگەن انت ماتىنىندە.

سوڭعى جاڭالىقتار