ءاليحان سمايىلوۆ دەپوزيتتەر بويىنشا وتەماقى تولەۋ تۋرالى قاۋلىعا قول قويدى
قۇجاتقا سايكەس، تەڭگەدەگى دەپوزيتتەر بويىنشا 10 پايىز وتەماقى (سىيلىقاقى) 2023-جىلعى 23- اقپاننان باستاپ وتەلە باستايدى. قازاقستاندىقتار ءوز ءوتىنىشىن 10- اقپاننان كەشىكتىرمەي بەرۋى ءتيىس.
سونداي-اق قاۋلىدا قانداي شارتتارعا سايكەس كەلەتىن دەپوزيتتەرگە وتەماقى تولەۋ جۇزەگە اسىرىلاتىنى كورسەتىلگەن.
سوڭعى مالىمەتتەر بويىنشا، بانكتەر وتەماقى بويىنشا 284 ميلليارد تەڭگەگە ءوتىنىم قابىلدادى، بۇل - تولەنەتىن وتەماقىنىڭ ىقتيمال سوماسىنىڭ %85. وتەماقى تولەتەن ەڭ جوعارى سوما - 20 ميلليون تەڭگە.
قاۋلىنىڭ تولىق ءماتىنىن ۇسىنامىز.
* **
قازاقستان رەسپۋبليكاسى ۇكىمەتىنىڭ 2022-جىلعى 30- جەلتوقسانداعى 1129№ قاۋلىسى
«جەكە تۇلعالاردىڭ ۇلتتىق ۆاليۋتادا (تەڭگەمەن) ورنالاستىرىلعان دەپوزيتتەرى بويىنشا وتەماقى (سىيلىقاقى) تولەۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2022-جىلعى 27- تامىزداعى 614№ قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «جەكە تۇلعالاردىڭ ۇلتتىق ۆاليۋتادا (تەڭگەمەن) ورنالاستىرىلعان دەپوزيتتەرى بويىنشا وتەماقى (سىيلىقاقى) تولەۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2022-جىلعى 27- تامىزداعى
614№ قاۋلىسىنا مىناداي وزگەرىس ەنگىزىلسىن:
كورسەتىلگەن قاۋلىمەن بەكىتىلگەن جەكە تۇلعالاردىڭ ۇلتتىق ۆاليۋتادا (تەڭگەمەن) ورنالاستىرىلعان دەپوزيتتەرى بويىنشا وتەماقى (سىيلىقاقى) تولەۋ قاعيدالارىندا:
2-تارماقتىڭ 1) تارماقشاسى مىناداي رەداكتسيادا جازىلسىن:
«1) دەپوزيتور (سالىمشى) - قازاقستان رەسپۋبليكاسىنىڭ رەزيدەنتى جانە بەيرەزيدەنتى بولىپ تابىلاتىن جەكە تۇلعا، ونىڭ ىشىندە دارا كاسىپكەرلىك سۋبەكتىسى، جەكەشە نوتاريۋس، ادۆوكات، كاسىبي مەدياتور؛»؛
3، 4 جانە 5-تارماقتار مىناداي رەداكتسيادا جازىلسىن:
«3. وتەماقى (سىيلىقاقى) تولەۋ وتەلەتىن دەپوزيتتەر بويىنشا جۇزەگە اسىرىلادى.
وتەماقى تولەۋ مىناداي دەپوزيتتەر بويىنشا جۇزەگە اسىرىلمايدى: تالاپ ەتىلگەنگە دەيىنگى سالىمدار، شارتتى سالىمدار جانە اعىمداعى بانكتىك شوتتار. دەپوزيتورعا (سالىمشىعا) وتەماقى (سىيلىقاقى) تولەۋ ءاربىر قاتىسۋشى بانكتە 20000000 (جيىرما ميلليون) تەڭگە شەگىندە 2022-جىلعى 23- اقپانداعى وپەراتسيالىق كۇننىڭ سوڭىنداعى جاعداي بويىنشا قولدانىستا بولعان وتەلەتىن دەپوزيتتەگى اقشا سوماسىنا جۇزەگە اسىرىلادى.
دەپوزيتوردا (سالىمشىدا) ءبىر قاتىسۋشى بانكتە بىرەۋدەن ارتىق وتەلەتىن دەپوزيت بولعان كەزدە وتەماقى (سىيلىقاقى) تولەۋ وسىنداي قاتىسۋشى بانكتەگى وتەلەتىن دەپوزيتتەردە 20000000 (جيىرما ميلليون) تەڭگە شەگىندەگى جالپى اقشا سوماسىنا جۇزەگە اسىرىلادى.
مۇراگەرگە وتەماقى تولەگەن كەزدە جانە مۇراگەردىڭ ءدال سول قاتىسۋشى بانكتە سالىمى (سالىمدارى) بولعان كەزدە وسىنداي قاتىسۋشى بانكتە وتەماقى قايتىس بولعان سالىمشىعا جانە مۇراگەرگە تيەسىلى سالىم (سالىمدار) بويىنشا بولەك-بولەك، ءبىراق قايتىس بولعان سالىمشىنىڭ بارلىق سالىمدارى بويىنشا جيىنتىعىندا 20000000 (جيىرما ميلليون) تەڭگەدەن اسىرماي جانە وسىنداي قاتىسۋشى بانكتەگى مۇراگەرگە تيەسىلى بارلىق سالىمدار بويىنشا جيىنتىعىندا 20000000 (جيىرما ميلليون) تەڭگەدەن اسىرماي جۇرگىزىلەدى.
4. وتەماقى (سىيلىقاقى) تولەۋ وسى قاعيدالاردىڭ 10، 11، 12 جانە
13-تارماقتارىندا كوزدەلگەن مەرزىمدەر ەسكەرىلە وتىرىپ، وسى قاعيدالاردىڭ
3-تارماعىنىڭ ەكىنشى بولىگىندە كورسەتىلگەن كۇننەن باستاپ 12 (ون ەكى)
اي وتكەننەن كەيىن جۇزەگە اسىرىلادى.
وسى قاعيدالاردىڭ 3-تارماعىنىڭ ەكىنشى بولىگىندە كورسەتىلگەن كۇننەن باستاپ 12 (ون ەكى) اي وتكەننەن كەيىن دەپوزيتور (سالىمشى) وتەماقىسى (سىيلىقاقىسى) جوعالمايتىن وتەلەتىن دەپوزيتتى تالاپ ەتۋگە قۇقىعى بار.
5. وتەماقى (سىيلىقاقى) تولەۋ وسى قاعيدالاردىڭ 4-تارماعىندا كورسەتىلگەن كەزەڭ ىشىندە جيىنتىعىندا مىناداي شارتتارعا سايكەس كەلەتىن دەپوزيتورلاردىڭ (سالىمشىلاردىڭ) وتەلەتىن دەپوزيتتەرى بويىنشا جۇزەگە اسىرىلادى:
وتەلەتىن دەپوزيتتىڭ مەرزىمى اياقتالماعان نە كەمىندە 2023-جىلعى
23- اقپاندى قوسا العانعا دەيىنگى مەرزىمگە ءبىر نەمەسە بىرنەشە رەت ۇزارتىلعان؛
وتەلەتىن دەپوزيتتى تولىق الىپ قويۋ جۇزەگە اسىرىلماعان، ونىڭ ىشىندە بانكتىك سالىم شارتى مەرزىمىنەن بۇرىن توقتاتىلماعان.
ەگەر وتەلەتىن دەپوزيتتىڭ مەرزىمى ءوتىپ كەتسە جانە 2022-جىلعى 24- اقپاننان باستاپ 2023-جىلعى 1- قاڭتار ارالىعىن قوسا العانداعى كەزەڭدە ۇزارتىلماسا، سالىمشىنىڭ كەلىسىمىمەن وسىنداي وتەلەتىن دەپوزيتتەن اقشانى وتەلەتىن جاڭا دەپوزيتكە(تەرگە) اۋدارۋعا جول بەرىلەدى، بۇل رەتتە مۇنداي اۋدارىمنىڭ جيناق شوتىنان، ونىڭ ىشىندە «جەكە تۇلعالاردىڭ تالاپ ەتىلگەنگە دەيىنگى سالىمدارى» شوتىنان نە 2022-جىلعى 23- اقپانداعى وپەراتسيالىق كۇننىڭ سوڭىندا قولدانىستا بولعان وتەلەتىن دەپوزيتتىڭ قولدانىلۋ مەرزىمىنىڭ وتۋىنە بايلانىستى قاتىسۋشى بانك اقشانى قايتارعان جاعدايدا دەپوزيتوردىڭ (سالىمشىنىڭ) اعىمداعى شوتىنان جۇزەگە اسىرىلۋى شارت.
قايتا ۇيىمداستىرۋ جانە بورىشتى اۋدارۋ شەڭبەرىندە قاتىسۋشى بانكتىڭ دەپوزيتورلار الدىنداعى مىندەتتەمەلەردى بەرۋى، سونداي-اق دەپوزيت (سالىم) بويىنشا قۇقىقتاردىڭ، ونىڭ ىشىندە مۇراگەرلەرگە (قۇقىق ميراسقورلارىنا) اۋىسۋى دەپوزيتتى تولىق الىپ قويۋ/بانكتىك سالىم شارتىن مەرزىمىنەن بۇرىن توقتاتۋ رەتىندە قارالمايدى.» ؛
7 جانە 8-تارماقتار مىناداي رەداكتسيادا جازىلسىن:
«7. وتەماقىنى (سىيلىقاقىنى) تولەۋ قاعيدالاردىڭ وسى تارماعىنا سايكەس 2023-جىلعى 10- اقپاننان كەشىكتىرمەي ءوز كەلىسىمىن ءوتىنىش ارقىلى راستاعان دەپوزيتورلارعا (سالىمشىلارعا) جۇزەگە اسىرىلادى.
دەپوزيتور (سالىمشى) قايتىس بولعان جاعدايدا قايتىس بولۋ تۋرالى راستايتىن قۇجاتتار 2023-جىلعى 10- اقپانعا دەيىن ۇسىنىلعان كەزدە وتەماقى (سىيلىقاقى) تولەۋ ءۇشىن ءوتىنىش بەرۋ تالاپ ەتىلمەيدى.
دەپوزيتوردىڭ (سالىمشىنىڭ) كەلىسىمى تۋرالى ءوتىنىشتى بەرۋ ءتارتىبى مەن ءتاسىلىن قاتىسۋشى بانك وسى قاعيدالارعا سايكەس ايقىندايدى.
قاتىسۋشى بانكتەر دەپوزيتورلارعا (سالىمشىلارعا) وتەماقى (سىيلىقاقى) الۋ مۇمكىندىگى جانە قاعيدالاردىڭ وسى تارماعىنا سايكەس كەلىسۋ تۋرالى ءوتىنىش ارقىلى كەلىسىم بەرۋ قاجەتتىگى تۋرالى حابارلايدى.
دەپوزيتوردىڭ (سالىمشىنىڭ) كەلىسىمى تۋرالى وتىنىشتە دەپوزيتوردىڭ (سالىمشىنىڭ) تەگى، اتى، اكەسىنىڭ اتى (بار بولسا)، جەكە سايكەستەندىرۋ ءنومىرى، وسى قاعيدالاردا بەلگىلەنگەن تارتىپپەن جانە وسى قاعيدالاردى ىسكە اسىرۋ ماقساتىندا قاجەتتى اقپارات، ونىڭ ىشىندە بانكتىك جانە زاڭمەن قورعالاتىن وزگە دە قۇپيانى قۇرايتىن اقپارات «پ ك ق» ا ق- عا، ورنىقتىلىق قورى مەن قورعا ۇسىنىلعان كەلىسىمى، سونداي-اق «دەربەس دەرەكتەر جانە ولاردى قورعاۋ تۋرالى» قازاقستان رەسپۋبليكاسىنىڭ زاڭىنا سايكەس وتەماقى (سىيلىقاقى) تولەۋ جانە وسى قاعيدالاردى ىسكە اسىرۋ ماقساتتارى ءۇشىن «پ ك ق» ا ق- نىڭ جانە قوردىڭ دەربەس دەرەكتەردى جيناۋىنا جانە وڭدەۋىنە كەلىسىمى كورسەتىلەدى.
قاتىسۋشى بانككە وسى تارماقتىڭ ءبىرىنشى بولىگىندە كوزدەلگەن مەرزىمدە كەلىسىمى تۋرالى ءوتىنىش بەرمەگەن دەپوزيتورلارعا (سالىمشىلارعا) وتەماقى (سىيلىقاقى) تولەۋ جۇزەگە اسىرىلمايدى.
وسى تارماقتىڭ ەكىنشى بولىگىندە ايقىندالعان جاعدايدا مۇراگەرلەرگە وتەماقىنى ودان ءارى تولەۋ مۇرانىڭ قابىلدانعانىن راستايتىن قۇجاتتار ۇسىنىلعان جاعدايدا جۇرگىزىلەدى.
8. وتەماقى (سىيلىقاقى):
وتەلەتىن دەپوزيتتەن 2023-جىلعى 23- اقپاننىڭ سوڭىنا دەيىن اقشا ءىشىنارا الىنباعان كەزدە - 2022-جىلعى 23- اقپانداعى وپەراتسيالىق كۇننىڭ سوڭىندا وتەلەتىن دەپوزيتتە بار، ءبىراق %10 عا (ون پايىزعا) كوبەيتىلگەن،
20000000 (جيىرما ميلليون) تەڭگەدەن اسپايتىن سوما رەتىندە؛
2022-جىلعى 23- اقپاننان باستاپ 2023-جىلعى 23- اقپاننىڭ سوڭىنا دەيىنگى كەزەڭدە وتەلەتىن دەپوزيت تولىقتىرىلعان، ودان اقشا ءىشىنارا الىنعان كەزدە 2022-جىلعى 23- اقپاننان باستاپ 2023-جىلعى 23- اقپاننىڭ سوڭىنا دەيىنگى كەزەڭ ءۇشىن وپەراتسيالىق كۇننىڭ سوڭىندا تىركەلگەن وتەلەتىن دەپوزيتتىڭ ەڭ تومەنگى قالدىعىنىڭ سوماسىنا، ءبىراق %10 (ون پايىزعا) كوبەيتىلگەن،
20000000 (جيىرما ميلليون) تەڭگەدەن اسپايتىن سوماسىنا جۇزەگە اسىرىلادى.
وسى قاعيدالاردىڭ 5-تارماعىنىڭ ەكىنشى بولىگىنە سايكەس وتەلەتىن جاڭا دەپوزيت (دەپوزيتتەر) اشىلعان كەزدە وتەماقىنى (سىيلىقاقىنى) ەسەپتەۋدە وتەلەتىن دەپوزيتتىڭ مەرزىمى وتكەن كۇننەن باستاپ وتەلەتىن جاڭا دەپوزيت جاسالعان كۇنگە دەيىنگى كەزەڭ ءۇشىن وپەراتسيالىق كۇن ىشىندە تىركەلگەن ەڭ تومەنگى قالدىق ەسكەرىلەدى.
2022-جىلعى 23- اقپاننان باستاپ 2023-جىلعى 23- اقپاننىڭ سوڭىنا دەيىنگى كەزەڭدە سالىمدار تۇرعىن ءۇي قۇرىلىس جيناقتارىنا بىرىكتىرىلگەن كەزىندە وتەماقىنى (سىيلىقاقىنى) ەسەپتەۋ 2022-جىلعى 23- اقپاننان باستاپ
2023-جىلعى 23- اقپاننىڭ سوڭىنا دەيىنگى كەزەڭ ءۇشىن وپەراتسيالىق كۇننىڭ سوڭىندا تىركەلگەن بىرىكتىرىلگەن سالىمداردىڭ ەڭ از قالدىعىنىڭ سوماسىنا، ءبىراق سالىمشىنىڭ تۇرعىن ءۇي قۇرىلىس جيناق بانكىندەگى بارلىق سالىمدارى بويىنشا جيىنتىعىندا %10 (ون پايىزعا) كوبەيتىلگەن 20000000 (جيىرما ميلليون) تەڭگەدەن اسپايتىن سوماعا جۇزەگە اسىرىلادى.
سالىمدار 2022-جىلعى 23- اقپاننان باستاپ 2023-جىلعى 23- اقپاننىڭ سوڭىنا دەيىنگى كەزەڭدە تۇرعىن ءۇي قۇرىلىس جيناقتارىنا بولىنگەن كەزدە وتەماقىنى (سىيلىقاقىنى) ەسەپتەۋ بولىنگەن سالىمداردىڭ 2022-جىلعى 23- اقپاننان باستاپ 2023-جىلعى 23- اقپاننىڭ سوڭىنا دەيىنگى كەزەڭ ءۇشىن وپەراتسيالىق كۇننىڭ سوڭىندا تىركەلگەن ەڭ از قالدىعىنىڭ سوماسىنا،
ءبىراق سالىمشىنىڭ تۇرعىن ءۇي قۇرىلىس جيناق بانكىندەگى بارلىق سالىمدارى بويىنشا جيىنتىعىندا %10 (ون پايىزعا) كوبەيتىلگەن، 20000000 (جيىرما ميلليون) تەڭگەدەن اسپايتىن سوماعا جۇزەگە اسىرىلادى.
2022-جىلعى 23- اقپاننان باستاپ 2023-جىلعى 23- اقپاننىڭ سوڭىنا دەيىنگى كەزەڭدە تۇرعىن ءۇي قۇرىلىس جيناقتارىنا سالىم (سالىمدار) قۇقىقتارى وتەۋسىز بوگدەگە بەرىلگەن كەزدە وتەماقىنى (سىيلىقاقىنى) ەسەپتەۋ 23- اقپاننان باستاپ 2023-جىلعى 23- اقپاننىڭ سوڭىنا دەيىنگى كەزەڭ ءۇشىن وپەراتسيالىق كۇننىڭ سوڭىندا تىركەلگەن سالىمنىڭ (سالىمداردىڭ) ەڭ تومەنگى قالدىعىنىڭ، ءبىراق سالىمشىنىڭ تۇرعىن ءۇي قۇرىلىس جيناق بانكىندەگى بارلىق سالىمدارى بويىنشا %10 (ون پايىزعا) كوبەيتىلگەن، جيىنتىعىندا 20000000 (جيىرما ميلليون) تەڭگەدەن اسپايتىن سوماسىنا جۇزەگە اسىرىلادى.
بۇل رەتتە سالىمشىنىڭ تۇرعىن ءۇي قۇرىلىس بانكىندەگى بارلىق سالىمدارى بويىنشا جيىنتىعىنداعى سوماسى 2022-جىلعى 23- اقپانداعى جاعداي بويىنشا 20000000 (جيىرما ميلليون) تەڭگەدەن اساتىن تۇرعىن ءۇي قۇرىلىس جيناقتارىنا سالىمدى (سالىمداردى) وتەۋسىز بوگدەگە بەرگەن جاعدايدا كورسەتىلگەن شەكتەن اساتىن سالىمدار سومالارى سالىمدى قابىلداعان سالىمشىداعى وتەماقى ەسەبىنە ەنگىزىلمەيدى.»؛
15-تارماق مىناداي رەداكتسيادا جازىلسىن:
«15. قور قاتىسۋشى بانكتەردەن وتەماقى سومالارىن ەسەپكە جاتقىزۋ تۋرالى ەسەپتەردى العاننان كەيىن 18 (ون سەگىز) اي ىشىندە قاتىسۋشى بانكتەردىڭ وتەماقى (سىيلىقاقى) سومالارىن ەسەپتەۋىنە وسى قاعيدالاردىڭ تالاپتارىنا سايكەستىگى تۇرعىسىنان جانە ءوزارا ءىس-قيمىل تۋرالى كەلىسىمدە ايقىندالعان تارتىپپەن ىرىكتەپ تەكسەرۋ (مونيتورينگ) جۇرگىزەدى.
مونيتورينگ ناتيجەلەرىن قور «پ ك ق» ا ق- عا ءوزارا ءىس-قيمىل تۋرالى كەلىسىمدە كوزدەلگەن تارتىپپەن جانە مەرزىمدەردە ۇسىنادى.».
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ
پرەمەر-ءمينيسترى ءا. سمايىلوۆ
