قازاقستان شەكارانى زاڭسىز كەسىپ وتەتىندەرگە قاتاڭ جازا قولدانادى

None
استانا. قازاقپارات - قازاقستان تاياۋ شىعىس پەن اۋعانستانداعى تۇراقسىز جاعدايعا بايلانىستى مەملەكەتتىك شەكارانى كەسىپ وتكەندەرگە قولداناتىن جازانى كۇشەيتپەك.

مۇنداي وزگەرىس «ق ر كەيبىر زاڭنامالىق اكتىلەرىنە قىلمىستىق، قىلمىستىق- پروتسەستىك جانە قىلمىستىق- اتقارۋ كودەكستەرىن وڭتايلاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭ جوباسىندا قارالعان، دەپ حابارلايدى قازاقپارات ءتىلشىسى.

«ق ر مەملەكەتتىك شەكاراسىن قاساقانا زاڭسىز كەسىپ وتكەن شەتەلدىك نەمەسە ازاماتتىعى جوق ادام قازاقستان اۋماعىنان تىسقارى 5 جىل مەرزىمگە شىعارىلا وتىرىپ، وعان 2000-ايلىق ەسەپتىك كورسەتكىشكە دەيىنگى مولشەردە ايىپپۇل سالىنادى نە 3 جىلعا دەيىن باس بوستاندىعىنان ايىرىلادى»، - دەپ جازىلعان جاڭا رەداكتسيادا.

قۇجاتتىڭ تۇسىندىرمەسىندە كورسەتىلگەندەي، جازانى قاتاڭداتۋ شاراسى تاياۋ شىعىستاعى تۇراقسىز جاعداي مەن اۋعانستانداعى احۋالعا بايلانىستى قابىلدانىپ وتىر.

«جاقىندا تاياۋ شىعىستاعى تۇراقسىز جاعداي جانە اۋعانستانداعى جەدەل جاعدايدىڭ شيەلەنىسۋى ۇلكەن الاڭداۋشىلىق تۋعىزدى. وسىعان بايلانىستى جالعان قۇجاتتار بويىنشا ەل اۋماعىنا زاڭسىز كىرۋ ارەكەتتەرى جيىلەپ كەتتى. سونىمەن قاتار، قولدانىستاعى قىلمىستىق زاڭناما قر مەملەكەتتىك شەكاراسىن قاساقانا زاڭسىز كەسىپ وتۋگە ارەكەت جاساعانى ءۇشىن ادامداردى جاۋاپقا تارتۋعا مۇمكىندىك بەرمەيدى. ويتكەنى بۇل ارەكەت اۋىرلىعى از قىلمىستارعا جاتقىزىلعان»، - دەپ تۇسىندىرمە بەرىلگەن.

توقتالا كەتسەك، قولدانىستاعى زاڭ بويىنشا شەكارانى زاڭسىز كەسىپ وتكەندەرگە قولدانىلاتىن ەڭ قاتاڭ جازا - 1 جىلعا دەيىن باس بوستاندىعىنان ايىرۋ. ەنگىزىلگەلى وتىرعان وزگەرىستەرگە ساي، ەندى مۇنداي قىلمىستار ءۇشىن كىنالى 3 جىلعا دەيىن سوتتالۋى مۇمكىن.

اۆتور

ءاليحان اسقار

سوڭعى جاڭالىقتار