وسكەمەندە سوڭعى قىرىق جىل ىشىندە العاش رەت جاڭا ترامۆايلار قاتىنايدى

None
وسكەمەن. قازاقپارات - وسكەمەن قالاسىندا سوڭعى قىرىق جىل ىشىندە العاش رەت جاڭا ترامۆايلار قاتىنايدى، دەپ حابارلايدى قازاقپارات ءتىلشىسى.

قالا اكىمدىگىنىڭ مالىمەتىنە سۇيەنسەك، جاڭا ەكى ترامۆاي بۇگىن سىننان وتكىزىلدى.

«سونداي-اق تاعى ەكى ترامۆاي اكەلىنىپ، قازىر ترامۆاي پاركىندە جۇمىسقا ازىرلەنىپ جاتىر. ولار قاڭتاردىڭ سوڭىنا دەيىن ىسكە قوسىلادى. جاڭا ترامۆايلاردىڭ ءجۇرىس بولىگى جەتىلدىرىلگەن، سالونىندا كونديتسيونەر ورناتىلعان، ۇيالى قۇرىلعىلاردى قۋاتتاۋ مۇمكىندىگى دە قاراستىرىلعان. جاڭا ۆاگوندار قوزعالىسى شەكتەۋلى ازاماتتاردىڭ قاجەتتىلىكتەرىنە سايكەس بەيىمدەلگەن»، - دەيدى قالا اكىمى جاقسىلىق ومار.

ونىڭ ايتۋىنشا، ترامۆاي جەلىلەرىن جاڭعىرتۋ بويىنشا جۇمىس ءالى دە جالعاسادى. پاركتى ارى قاراي جاڭارتۋعا قاتىستى شەشىم العاشقى جاڭا ۆاگونداردى قولدانۋ تاجىريبەسىنىڭ نەگىزىندە قابىلدانادى.

سوڭعى جاڭالىقتار