الماتى بازارىنداعى ءورت ءسوندىرىلدى

الماتى. قازاقپارات - الماتىداعى «ارلان» بازارىنان شىققان ءورت ءسوندىرىلدى، دەپ حابارلايدى قازاقپارات ءتىلشىسى.

الماتى قالالىق توتەنشە جاعدايلار دەپارتامەنتىنىڭ مالىمەتىنشە، وقيعا ورنىندا جەكە قۇرامنىڭ 60 تان استام قىزمەتكەرى، 16 تەحنيكاسى مەن قالانىڭ ءوزارا ءىس-قيمىلىنىڭ بۇكىل كۇش-قۇرالدارى جۇمىلدىرىلدى.

«ءورت ءسوندىرۋ جۇمىستارىنا كونتەينەرلەردىڭ تىعىز ورنالاسۋى كەدەرگى تۋدىردى. كونتەينەرلەردى اشۋ ءۇشىن ارنايى اپاتتىق-قۇتقارۋ قۇرالدارى قولدانىلدى. قابىلدانعان جەدەل شارالاردىڭ ارقاسىندا كۇردەلى ءورتتىڭ تارالۋى 18:40 تا توقتاتىلىپ، 18.54 تە تولىق جويىلدى»، - دەدى الماتى قالالىق توتەنشە جاعدايلار دەپارتامەنتىنىڭ باسپا ءسوز قىزمەتىنەن.

ەسكە سالا كەتەيىك، الماتىنىڭ «ارلان» بازارى بۇگىن كەشكە قاراي وتقا ورانعانىن حابارلاعان بولاتىنبىز.

«وقيعا ورنىندا جەدەل شتاب قۇرىلىپ. ءورتتى سوندىرۋگە، سونداي-اق جاپسارلاس كونتەينەرلەردى قورعاۋعا ءورت وقپاندارى ەنگىزىلىپ، سۋدىڭ ۇزدىكسىز بەرىلۋى قامتاماسىز ەتىلدى»، - دەلىنگەن ەدى ۆەدومستۆودان.