زارينا دياس تەننيسكە قاشان قايتا ورالاتىنىن ايتتى

استانا. قازاقپارات - قازاقستاندىق زارينا دياس تەننيسكە جارتى جىلدان كەيىن قايتا ورالماقشى، دەپ حابارلايدى قازاقپارات ءتىلشىسى.

قازاقستان تەننيس فەدەراتسياسىنان ءمالىم ەتكەندەي، دياس وسىعان بايلانىستى ءوز پىكىرىن بولىسكەن.

«وتكەن جىل مەن ءۇشىن كۇردەلى بولدى. دەنساۋلىعىما وراي قيىندىقتار تۋىنداپ، ءۇزىلىس الۋىما تۋرا كەلدى. سوندىقتان رەيتينگىم دە تومەندەپ كەتتى. قازىر قالپىما كەلىپ جاتىرمىن، دەنساۋلىعىم جاقسارىپ قالدى. تەننيس، تۋرنير، جانكۇيەرلەردى ساعىندىم. تەننيسكە ءساۋىر ايىندا ورالۋدى كوزدەپ وتىرمىن. ءبارىڭىزدى جاڭا جىلمەن قۇتتىقتاپ، تىنىشتىق، اشىق اسپان، بارشا جاقسىلىقتى تىلەيمىن»، - دەدى ز. دياس.

ەسكە سالا كەتەيىك، بۇدان بۇرىن ەلەنا رىباكينانىڭ ادەلايدا تۋرنيرىنىڭ شيرەك فينالىنا شىعا الماعانىن جازعان بولاتىنبىز.

سونداي-اق دەۆيس كۋبوگىنىڭ ىرىكتەۋ ماتچىنا قاتىساتىن قازاقستان قۇراماسى انىقتالدى.