ەلجان ءبىرتانوۆتىڭ اپەللياتسيالىق سوتى تاعى كەيىنگە شەگەرىلدى

None
استانا. قازاقپارات - بۇرىنعى ق ر دەنساۋلىق ساقتاۋ ءمينيسترى ەلجان ءبىرتانوۆ پەن ونىڭ بۇرىنعى ورىنباسارى ولجاس ابىشيەۆتىڭ ۇستىنەن قوزعالعان اپپەلياتسيالىق سوت تاعى كەيىنگە قالدى، دەپ حابارلايدى قازاقپارات ءتىلشىسى.

بۇگىن استانا قالاسى سارىارقا اۋداندىق 2№ سوتىندا بۇرىنعى دەنساۋلىق ساقتاۋ ءمينيسترى ەلجان ءبىرتانوۆ پەن ونىڭ بۇرىنعى ورىنباسارى ولجاس ابىشيەۆتىڭ ءىسى بويىنشا اپەللياتسيالىق سوت ءوتتى.

ZOOM پلاتفورماسى ارقىلى وتكەن سوت وتىرىسى ۇزاققا سوزىلمادى.

«ەلجان امانتاي ۇلى ءالى اۋىرىپ جاتىر. ەمدەلۋ مەرزىمىن كەلەسى دۇيسەنبىگە دەيىن ۇزارتتى. سوندىقتان اپەللياتسيالىق سوت وتىرىسىن كەيىنگە قالدىرۋدى سۇرايمىز»، - دەدى ە. ءبىرتانوۆتىڭ ادۆوكاتى سەرىك ساعاليەۆ.

ءوز كەزەگىندە ءىستى قاراۋدى كەيىنگە شەگەرۋدى سوتتالۋشى ولجاس ابىشيەۆ پەن بۇرىنعى ءمينيستردىڭ قورعاۋشىسى ەسجان ءبىرتانوۆ تا قولدادى.

«كەلەسى سوت وتىرىسى 10- قاڭتار ساعات 10:00 گە بەلگىلەندى. سوت وتىرىسى وفلاين فورماتتا جانە اشىق وتەدى»، - دەدى سۋديا ايبەك امىرعاليەۆ.

ەسكە سالا كەتەيىك، ەلجان ءبىرتانوۆ 2020-جىلدىڭ 3- قاراشاسىندا بيۋجەت قاراجاتىن ىسىراپ ەتتى دەگەن كۇدىكپەن قاماۋعا الىنعان بولاتىن.

بىلتىر قاڭتاردا ەلجان ءبىرتانوۆتىڭ ۇستىنەن قوزعالعان قىلمىستىق ءىس سوتقا ءتۇستى.

2022-جىلى 28- قازاندا استانا قالاسى سارىارقا اۋدانىنىڭ 2№ سوتى بۇرىنعى دەنساۋلىق ساقتاۋ ءمينيسترى ەلجان ءبىرتانوۆ پەن ونىڭ ورىنباسارى ولجاس ابىشيەۆتىڭ ىسىنە قاتىستى ۇكىم شىعاردى.

بۇرىنعى مينيستر سوت شەشىمىمەن كەلىسپەيتىنىن ايتىپ، شاعىم تۇسىرەتىنىن مالىمدەگەن بولاتىن.

ەلجان ءبىرتانوۆتىڭ اپەللياتسيالىق سوتى مۇنىڭ الدىندا دا ءبىر مارتە اۋىستىرىلعان ەدى.

سوڭعى جاڭالىقتار