قازاقستاندىقتاردىڭ قانشاسى قولما-قول اقشانى پايدالانادى

None
استانا. قازاقپارات - ۇلتتىق بانكى «قولما-قول اقشانى پايدالانۋدىڭ ورتا مەرزىمدى پەرسپەكتيۆالارى» تاقىرىبىنداعى الەۋمەتتىك زەرتتەۋدىڭ ناتيجەلەرىن جاريالاي باستادى. قازاقستانداعى ەكونوميكا سۋبەكتىلەرىنىڭ تولەم قالاۋى تۋرالى زەرتتەۋ العاش رەت جۇرگىزىلىپ وتىر، دەپ حابارلايدى قازاقپارات.

قارجى ۇيىمىنىڭ مالىمەتىنشە، مۇنداعى نەگىزگى ماقسات - قولما-قول اقشا اينالىمىنىڭ دامۋ تەندەنتسيالارىن، قولما-قول اقشاعا سۇرانىستى قالىپتاستىراتىن فاكتورلاردى انىقتاۋ، سونداي-اق ەكونوميكا سۋبەكتىلەرىنىڭ قولما-قول اقشا مەن ولاردىڭ نومينالدى قۇرىلىمىن پايدالانۋىن زەرتتەۋ.

«زەرتتەۋ ساۋالناما ادىسىمەن ءۇش كەزەڭدە جۇرگىزىلدى. سونىمەن قاتار، رەسپوندەنتتەردىڭ تولەم كۇندەلىكتەرىنە تالداۋ جاسالدى، ونىڭ كومەگىمەن رەسپوندەنتتەر اپتا ىشىندە بارلىق شىعىندارىن تىركەدى: سومالار، تولەم ورنى، تولەم ءادىسى جانە ت. ب.

ساۋالناماعا 9628 رەسپوندەنت قاتىستى، ونىڭ ىشىندە 6095 جەكە تۇلعا، 3533 كاسىپكەرلىك سۋبەكتى بار. زەرتتەۋ قازاقستاننىڭ 17 وبلىسىن جانە رەسپۋبليكالىق ماڭىزى بار 3 قالانى قامتىدى»، - دەپ جازدى ۇلتتىق بانكتەن.

ونداعى مالىمەتتەرگە قاراعاندا رەسپوندەنتتەردىڭ %60 قولما-قول اقشانى كۇندەلىكتى ەسەپ ايىرىسۋ ءۇشىن، %72 قولما-قول اقشانى الۋ ءۇشىن بانك كارتاسىن پايدالانادى. %31 شاعىن جانە ورتا نومينالدارداعى سۇرانىستى اتاپ وتسە، قاتىسۋشىلاردىڭ اپتاسىنا قولما-قول شىعىستارىنىڭ ورتاشا مولشەرى 27 مىڭ تەڭگەنى قۇرادى.

ولاردىڭ شىعىستارىنىڭ قولما-قول اقشاعا تيەسىلى ۇلەسى - %35. %74 قولما-قول اقشاسىز تولەم قۇرالدارىن پايدالانادى، كاسىپكەرلەر اينالىمىنداعى قولما-قول اقشانىڭ ۇلەسى - %35.

سوڭعى جاڭالىقتار