بيىل ەلىمىزگە قانشا قانداس كوشىپ كەلەدى

None
استانا. قازاقپارات - ەلىمىزگە قانداستار مەن قونىس اۋدارۋشىلاردى قابىلداۋعا ارنالعان بيىلعى كۆوتا بەكىتىلدى، دەپ حابارلايدى قازاقپارات ءتىلشىسى ق ر ەڭبەك جانە حالىقتى الەۋمەتتىك مينيسترلىگىنە سىلتەمە جاساپ.

قانداستارعا ارنالعان كۆوتانى بەلگىلەيتىن بۇيرىققا مينيستر تامارا دۇيسەنوۆا قول قويدى.

«بۇيرىققا سايكەس ەلىمىزگە كەلەتىن قانداستار مەن قونىس اۋدارۋشىلاردى قابىلداۋدىڭ 2023-جىلعا ارنالعان وڭىرلىك كۆوتاسى ءبولىنسىن. ول تۋرالى ەلوردا، رەسپۋبليكالىق ماڭىزى بار قالالار جانە وبلىس اكىمدىكتەرى نازارىنا جەتكىزىلسىن»، - دەلىنگەن قۇجاتتا.

جۇمىستىڭ ورىندالۋىنا ق ر ەڭبەك جانە حالىقتى الەۋمەتتىك قورعاۋ ءمينيسترىنىڭ ءبىرىنشى ورىنباسارى اقمادي سارباسوۆ جاۋاپتى.

بۇيرىقتا بەكىتىلگەندەي، بيىل ەلىمىزگە 1925 قانداس جانە 6727 قونىس اۋدارۋشى كەلمەك.

وڭىرلەرگە كەلسەك، اباي وبلىسىنا 196 قانداس، 238 قونىس اۋدارۋشى، اقمولا وبلىسىنا 270 قانداس، قاراعاندى وبلىسىنا 33 قونىس اۋدارۋشى، قوستاناي وبلىسىنا 150 قانداس جانە 530 قونىس اۋدارۋشى، پاۆلودار وبلىسىنا 932 قانداس، 2841 قونىس اۋدارۋشى، س ق و- عا 138 قانداس، 2660 قونىس اۋدارۋشى، ۇلىتاۋ وبلىسىنا 120 قونىس اۋدارۋشى، ش ق و- عا 239 قانداس جانە 305 ادام قونىس اۋدارعالى وتىر.

ەسكە سالا كەتسەك، وتكەن جىلى 9 ايدا 13 مىڭنان استام ەتنيكالىق قازاق قانداس مارتەبەسىن العان ەدى.

سوڭعى جاڭالىقتار