باس پروكۋرور: كارىم ءماسىموۆ - قاڭتار وقيعاسىنىڭ باستى ۇيىمداستىرۋشىلارىنىڭ ءبىرى

None
استانا. قازاقپارات – ق ر باس پروكۋرورى بەرىك اسىلوۆ قاڭتارداعى تارتىپسىزدىكتەردىڭ باستى ۇيىمداستىرۋشىلارى كىم دەگەن سۇراققا جاۋاپ بەردى، دەپ حابارلايدى قازاقپارات ءتىلشىسى.

ءماجىلىس كۋلۋارىندا جۋرناليستەر باس پروكۋروردان جاپپاي تارتىپسىزدىكتەردىڭ باستى ۇيىمداستىرۋشىسى كىم ەكەنىن سۇرادى.

«مەملەكەتتىك توڭكەرىس جاساۋعا دايىندىق بولدى، قاستاندىق جاسالدى. بۇگىن ايتقانىمداي، نەگىزگى ۇيىمداستىرۋشىلار رەتىندە ۇلتتىق قاۋىپسىزدىك كوميتەتىنىڭ بۇرىنعى باسشىلىعى - ك. ءماسىموۆ پەن ونىڭ ورىنباسارلارىنا قاتىستى قىلمىستىق ءىس قوزعالدى»، - دەپ جاۋاپ بەردى باس پروكۋرور.

«كارىم ءماسىموۆ - باس ۇيىمداستىرۋشى ما؟»، - دەپ سۇرادى تىلشىلەر.

«سولاي دەۋگە بولادى»، - دەپ جاۋاپ بەردى بەرىك اسىلوۆ.

بۇعان دەيىن باس پروكۋرور كارىم ءماسىموۆ ءىسى «اسا قۇپيا» رەجيمىندە تەرگەلگەنىن ايتقان ەدى. ك. ءماسىموۆ پەن ونىڭ بۇرىنعى ورىنباسارى سادىقۇلوۆ مەملەكەتكە وپاسىزدىق جاساۋ؛ بيلىكتى كۇشتەپ باسىپ الۋعا باعىتتالعان ارەكەتتەر؛ لاۋازىمدىق وكىلەتتىكتەردى اسىرا پايدالانۋ بويىنشا سوتقا بەرىلدى.


سوڭعى جاڭالىقتار