اۋا رايىنا بايلانىستى بىرنەشە باعىتتا پويىزدار كەشىگىپ جاتىر

None
استانا. قازاقپارات - ەلىمىزدە اۋا رايىنىڭ قولايسىزدىعىنان كەيبىر پويىزدار ۋاقىتىنان كەشىگىپ جاتىر، دەپ حابارلايدى قازاقپارات ءتىلشىسى «قازاقستان تەمىر جولى» ۇلتتىق كومپانياسىنىڭ باسپا ءسوز قىزمەتىنە سىلتەمە جاساپ.

«اۋا رايىنىڭ قولايسىزدىعىنا بايلانىستى قاۋىپسىزدىكتى قامتاماسىز ەتۋ ءۇشىن تەمىرجول ۋچاسكەلەرىندە قوزعالىس جىلدامدىعىنا شەكتەۋ قويىلدى»، - دەيدى ق ت ج- دان.

ءدال قازىر كەشىگىپ جاتقان پويىزدار:

- 3/4№ جانە 9/10№ «استانا-الماتى»،

- 45/46№ «پاۆلودار-تۇركىستان»،

- 51/52№ «الماتى-ورال»،

- 65/66№ «استانا-جەزقازعان»،

- 71/72№ جانە 86/85№ «استانا-شىمكەنت»،

- 73/74№ «الماتى-جەزقازعان»،

- 105/106№ «الماتى-پەتروپاۆل».

سونداي-اق، ۇلتتىق كومپانيادان پويىزداردىڭ قوزعالىس كەستەسىن قالپىنا كەلتىرۋ بويىنشا قاجەتتى شارالاردىڭ قابىلدانىپ جاتقانى ايتىلدى.

«ۆوكزالداردا پويىزداردىڭ كەشىگەتىنى حابارلانىپ وتىر. حابارلاما 1433 انىقتاما قىزمەتى ارقىلى تاۋلىك بويى بەرىلەدى. ەگەر پويىز 3 ساعاتتان ارتىق كەشىكسە جولاۋشىلارعا SMS حابارلاما جىبەرىلەدى»، - دەلىنگەن حابارلامادا.

ودان بولەك، رەسمي اقپاراتتا ايتىلعانداي، پويىز بيلەتتەرىن كەرى قايتارۋ جايلى مالىمەتتى 77072703664+ (WhatsApp) نومىرىنەن بىلۋگە بولادى.

«كەشىككەن پويىزدىڭ ءار ساعاتى ءۇشىن بيلەت قۇنىنىڭ ءۇش پايىزى مولشەرىندە ايىپپۇل تولەنەدى. پويىز 6 ساعاتتان ارتىق كەشىكسە، مەيرامحانادا تەگىن تاماق بەرىلەدى. سول سياقتى ۆوكزالدارداعى تاماقتانۋ ورىندارى مەن ساۋدا نۇكتەلەرىنىڭ، سانيتارلىق ايماقتاردىڭ (اجەتحانالاردىڭ) ۇزدىكسىز جۇمىس ىستەۋى باقىلاۋدا»، - دەپ حابارلايدى قازاقستان تەمىر جولى.

سوڭعى جاڭالىقتار