توعىز وبلىستىڭ كوپتەگەن ۋچاسكەسىندە جولدار جابىلدى

استانا. قازاقپارات - سوڭعى جاڭارتىلعان مالىمەت بويىنشا اۋا رايىنىڭ قولايسىزدىعىنا بايلانىستى 9 وڭىردەگى رەسپۋبليكالىق ماڭىزدى جولدار جابىلدى، دەپ حابارلايدى قازاقپارات قازاۆتوجولعا سىلتەمە جاساپ حابارلايدى

«اقمولا، الماتى، شىعىس قازاقستان، جامبىل، قاراعاندى، قوستاناي، پاۆلودار جانە تۇركىستان وبلىستارىندا اۋا رايىنىڭ كۇرت ناشارلاۋىنا بايلانىستى 40 ۋچاسكەسىندە جولدار جابىلدى»، - دەلىنگەن حابارلامادا.

سونداي-اق اباي وبلىسىندا دا وبلىستىق جانە رەسپۋبليكالىق ماڭىزى بار قوزعالىس جولدارى جابىق.

بۇگىن تۇسكى ۋاقىتتاعى مالىمەت بويىنشا، قالىڭ قار مەن جەلدىڭ كۇشەيۋىنە بايلانىستى استانا قالاسىندا، اقمولا، الماتى، اباي، شىعىس قازاقستان، جامبىل، قاراعاندى، قوستاناي جانە تۇركىستان وبلىستارىندا رەسپۋبليكالىق ماڭىزى بار جولداردا قوزعالىسقا تىيىم سالىنعان ەدى.

سونىمەن قاتار قازگيدرومەت 4-قاڭتار كۇنى 18 وڭىردە ەسكەرتۋ جاريالادى.