08:10, 04 - قاڭتار 2023 | GMT +5
حالىقارالىق بوكس رەيتينگىندە قازاقستان قۇراماسى كوش باستادى
استانا. قازاقپارات - حالىقارالىق بوكس قاۋىمداستىعىنىڭ (IBA) رەيتينگىندە قازاقستان قۇراماسى ءبىرىنشى ورىندا تۇر.
بۇل جونىندە ق ر بوكس فەدەراتسياسىنان ءمالىم ەتتى، دەپ حابارلايدى قازاقپارات ءتىلشىسى.
«قازاقستاندىق بىلعارى قولعاپ شەبەرلەرىنىڭ ەسەبىندە 48100 ۇپاي بار. ەكىنشى ورىنداعى وزبەكستان بوكسشىلارىندا - 37600 ۇپاي بولسا، ۇزدىك ۇشتىكتى 36300 ۇپايمەن ءۇندىستان بوكسشىلارى تۇيىندەپ تۇر»، - دەپ جازىلعان فەدەراتسيا تاراتقان حابارلامادا.
ۆەدومستۆو مالىمەتىنشە، IBA رەيتينگىندە بارلىعى 135 ۇلتتىق فەدەراتسيا بوكسشىلارى ۇسىنىلعان.
