بيىل الەمدىك دەڭگەيدە قانداي سپورت سايىستارى وتەدى

استانا. قازاقپارات - قازاقستاندىق سپورتشىلار بيىل قانداي الەمدىك سايىستاردا باق سىنايدى؟

الدا كوپتەگەن جارىستار كۇتىپ تۇر. ولاردىڭ اربىرىنە ۇلكەن دايىندىق كەرەك. سوندىقتان سول سايىستاردا قازاقستاندىق سپورتشىلاردىڭ جوعارى دەڭگەيدە ويىن كورسەتۋىنە زور سەنىم ارتامىز. قازاقپارات ءتىلشىسى سول جارىستاردىڭ ءبىرقاتارىنا شولۋ جاساعان ەدى.

قىسقى ۋنيۆەرسيادا

قاڭتار ايىندا ا ق ش-تىڭ لەيك-پلەسيد قالاسىندا XXXI قىسقى ۋنيۆەرسيادانىڭ الاۋى جاعىلادى. ويىندار 12-22-قاڭتار ارالىعىندا وتكىزىلەدى.

اتالعان جارىستا سپورتتىڭ 12 تۇرىنەن 86 مەدال ساراپقا سالىنادى. وعان الەمنىڭ 50 ەلىنەن 1500 گە جۋىق سپورتشى كەلەدى دەپ كۇتىلۋدە.

حالىقارالىق جارىس 1960 -جىلدان بەرى تۇراقتى تۇردە ۇيىمداستىرىلىپ كەلەدى. قازىرگە دەيىن قازاقستاندىق سپورتشىلار بارلىعى 107 مەدال ەنشىلەدى. ونىڭ ىشىندە 20 ى التىن، 40 ى كۇمىس، 47 ى قولا.

جارىسقا 17-28 جاس ارالىعىنداعى جاستار قاتىسا الادى.

سونداي-اق، 2017 -جىلى قىسقى ۋنيۆەرسيادا الماتى قالاسىندا بولدى.

فريستايل

ال 25 قاڭتار مەن 5 اقپان ارالىعىندا گرۋزيانىڭ باكۋرياني قالاسىندا فريستايلدان الەم چەمپيوناتى وتكىزىلەدى. اتالعان باسەكەدە ەلىمىزدىڭ اتىنان سىنعا تۇسەتىن يۋليا گالىشيەۆا، پاۆەل كولماكوۆ مەن اناستاسيا گورودكو جۇلدەلى ورىنداردان كورىنەدى دەگەن ءۇمىت بار. 2021 -جىلى الماتى قالاسىندا وتكىزىلگەن الەم چەمپيوناتىندا ولار جۇلدەگەرلەر قاتارىندا بولدى.

شورت-ترەك

ناۋرىز ايىنىڭ 10-12 ى كۇندەرى وڭتۇستىك كورەيا استاناسى سەۋل قالاسىندا الەم چەمپيوناتى بولادى. قازاقستاندىق سپورتشىلار قىتايدا وتكەن وليمپيادادا جاقسى كورسەتكىشىمەن قۋانتقان ەدى. وندا 500 مەتر قاشىقتىققا ابزال اجعاليەۆ ءتورتىنشى ورىنعا تۇراقتاسا، ول دەنيس نيكيشا، يانى حان جانە ولگي تيحونوۆوي.

سول اجعاليەۆتەن قۇرالعان قۇراما كوماندا 6-ورىندى يەلەندى، دەنيسا نيكيشي، يانا حان جانە ولگا تيحونوۆا سەكىلدى ارىپتەستەرىمەن بىرگە تاعى ءبىر باسەكەدە التىنشى ورىن الدى. ولار ەندى الەمدىك دودادا سول كورسەتكىشتەرىن جاڭالاۋى مۇمكىن بە؟

بوكس

قازاقستاندىق جانكۇيەرلەر 15-31-ناۋرىز ارالىعىندا ءۇندىستان استاناسى نيۋ-دەلي قالاسىندا ايەلدەر اراسىنداعى الەم چەمپيوناتىن تاماشالاي الادى. بۇدان بۇرىن تۇركيا جەرىندە وتكەن جارىستا ەلىمىزدىڭ ايەلدەر قۇراماسى 1 كۇمىس، 4 قولامەن جالپى كوماندالىق ەسەپتە سەگىزىنشى ورىنعا تۇراقتادى. ال يوردانيا جەرىندە وتكەن ازيا چەمپيوناتىندا ەكىنشى ورىن الدى. قازاقستاندىق سپورتشىلار جاقسى كورسەتكىشىمەن قۋانتادى دەگەن ويدامىز.

دوپتى حوككەي

ناۋرىز ايىنىڭ سوڭى مەن ءساۋىر ايىنىڭ باسىندا شۆەتسيانىڭ وبنو قالاسىندا دوپتى حوككەيدەن الەم چەمپيوناتى جالاۋىن كوتەرەدى. اتالعان سپورت تۇرىنەن قازاقستاندىقتار بىرنەشە مارتە جۇلدەگەرلەر قاتارىنان كورىندى. قازىرگە دەيىن ەلىمىزدىڭ قۇراماسى التى مارتە قولا مەدال الدى. سوڭعى مارتە مۇنداي جەتىستىككە 2015 -جىلى قول سوزعان ەدى. بيىلعى الەم چەمپيوناتىندا قازاقستاندىق سپورتشىلاردان باسقا شۆەتسيا، فينليانديا، نورۆەگيا، قازاقستان، ا ق ش، گەرمانيا، ەستونيا جانە ۆەنگريا قۇرامالارى باق سىنايدى.

بوكس

وزبەكستان استاناسى تاشكەنت قالاسىندا 1-14-مامىر كۇندەرى ەرلەر اراسىندا الەم چەمپيوناتى بولادى. كەيىنگى ۋاقىتتا ەلىمىزدىڭ بىلعارى قولعاپ شەبەرلەرى جانكۇيەر سەنىمىنەن شىعاتىن دەڭگەيدە ويىن كورسەتە الماي كەلەدى. الداعى جارىستا سول ولقىلىقتىڭ ورنى تولادى دەگەن ۇمىتتەمىز.

شايبالى حوككەي

شايبالى حوككەيدەن ەل قۇراماسى بيىل الەم چەمپيوناتىندا توپ-ديۆيزيوندا سىنعا تۇسەدى. ءدۇبىرلى دودا 12-28 مامىر ارالىعىندا فينليانديانىڭ تامپەرە جانە لاتۆيانىڭ ريگا قالالارىندا وتكىزىلەدى دەپ جوسپارلانىپ وتىر. قازاقستاندىق حوككەيشىلەر 2021 -جىلى جاقسى ويىن ورنەگىمەن جانكۇيەردى قۋانتسا، بىلتىر اۋپىرىممەن ۇزدىكتەر قاتارىنداعى ورنىن ساقتاپ قالدى. بيىل ادەمى ويىنىمەن كوپشىلىك سەنىمىن اقتايدى دەگەن ويدامىز.

جەڭىل اتلەتيكا

قازاقستاندىق جەلاياقتار 19-27-تامىز ارالىعىندا ۆەنگريا استاناسى بۋداپەشت قالاسىندا جەڭىل اتلەتيكادان الەم چەمپيوناتىنا قاتىسادى. ەل سپورتشىلارىنا اتالعان سايىستا ساتتىلىك تىلەيمىز.

كۇرەس

الەمنىڭ مىقتى بالۋاندارى 16-24-قىركۇيەكتە سەربيا استاناسى بەلگراد قالاسىندا باس قوسادى. وندا ەركىن، گرەك-ريم جانە ايەلدەر كۇرەسىنەن جۇلدەلەر ساراپقا سالىنادى.

ازيا ويىندارى

سارىقۇرلىق سايىپقىراندارى 23-قىركۇيەك پەن 8-قازان ارالىعىندا قىتايدىڭ حاڭجوۋ قالاسىندا وتەتىن XIX جازعى ازيا ويىندارىنا جينالادى. بۇدان بۇرىن قازاقستاندىق سپورتشىلار جالپى كوماندالىق ەسەپتە توعىزىنشى ورىندى مىسە تۇتتى. جاستارىمىز جوعارى جەتىستىگىمەن قۋانتادى دەگەن سەنىمدەمىز.

ەسكە سالساق، بۇدان بۇرىن الەم جۇرتشىلىعى نازارىن اۋدارتقان سپورت دودالارى جونىندە حابارلاندى.