قاڭتار ايىندا ەلىمىزدە اۋا رايى قانداي بولادى

استانا. قازاقپارات - «قازگيدرومەت» ر م ك قاڭتار ايىنا اۋا رايى بولجامىن ۇسىندى، دەپ حابارلايدى قازاقپارات.

قاڭتاردىڭ ءبىرىنشى ونكۇندىگىندە قازاقستاندا قارقىندى اتلانتيكالىق جانە وڭتۇستىك تسيكلونداردىڭ اسەرىمەن قۇبىلمالى كۇن رايى كۇتىلەدى. رەسپۋبليكانىڭ سولتۇستىك جارتىسىندا مول قار جاۋىپ، بۇرقاسىن بولجانادى. وڭتۇستىك بولىگىندە - جاۋىن-شاشىن (جاڭبىر، جىلبىسقى قار)، وڭتۇستىك جانە شىعىس اۋدانداردا قاتتى جاۋىن-شاشىن جاۋۋى ىقتيمال. رەسپۋبليكانىڭ وڭتۇستىك-باتىس جارتىسىندا تۇمان جانە كوكتايعاق كۇتىلەدى. ەلدىڭ باسىم بولىگىندە جەلدىڭ كۇشى 15-20 م/س، ەكپىنى 23-28 م/س قۇرايدى.

رەسپۋبليكانىڭ باسىم بولىگىندە اۋا تەمپەراتۋراسى تۇندە 15-25 گرادۋستان 3-12 گرادۋسقا دەيىن، كۇندىز 7-15 گرادۋستان 0-8 گرادۋسقا دەيىن؛ ەلىمىزدىڭ وڭتۇستىگىندە جانە وڭتۇستىك- شىعىسىندا تۇندە 5-15 گرۋداستان 2 گرادۋسقا دەيىن، كۇندىز 0-8 گرادۋستان 1+8 گرادۋسقا دەيىن اۋىتقيدى.

ەلىمىزدىڭ باتىس اۋداندارىندا اۋا تەمپەراتۋراسى تۇندە -5+° گرادۋستان 15-25 گرادۋسقا دەيىن، كۇندىز 3+8 گرادۋستان 10-20 گرادۋسقا دەيىن تومەندەيتىنى كۇتىلەدى.

ءبىرىنشى ونكۇندىكتىڭ سوڭىندا قازاقستاننىڭ باسىم بولىگىندە سولتۇستىك-باتىس انتيتسيكلوننىن اسەرىنەن اۋا تەمپەراتۋراسى تۇندە -20-30 گرادۋسقا، ال كۇندىز 10-18 گرادۋسقا دەيىن، رەسپۋبليكامىزدىڭ وڭتۇستىك-باتىس، وڭتۇستىك جانە وڭتۇستىك-شىعىسىندا تۇندە 10-20 گرادۋسقا، كۇندىز 5-15 گرادۋسقا دەيىن تومەندەيدى.

كونسۋلتاتيۆتى بولجامعا سايكەس 2023-جىلدىڭ قاڭتار ايىنىڭ ەكىنشى جانە ءۇشىنشى ون كۇندىگىندە قازاقستاننىڭ باسىم اۋماعىندا كۇن رايى ءجيى وزگەرەدى: ايازدىڭ بەتى قايتىپ، قارلى بوران، بۇرقاسىن جانە ەكپىندى جەل كۇتىلەدى.

وڭتۇستىك تسيكلونداردىڭ اسەرىنەن قارقىندى جىلۋ تولقىندارى بايقالادى، بۇل كەزدە اۋا تەمپەراتۋراسى ەلىمىزدىڭ سولتۇستىك جارتىسىندا كۇندىز 5+2 گرادۋسقا، وڭتۇستىك جارتىسىندا جانە وڭتۇستىك-باتىسىندا كۇندىز 2+12 گرادۋسقا دەيىن جوعارىلايدى.

ال سولتۇستىك-باتىس انتيتسيكلوننىن ەنۋىنە بايلانىستى قارقىندى سۋىق تولقىندار بولجانادى، بۇل كەزدە اۋا تەمپەراتۋراسى رەسپۋبليكامىزدىڭ سولتۇستىك جارتىسىندا جانە ورتالىعىندا تۇندە 25-35 گرادۋسقا، كۇندىز 15-25 گرادۋسقا دەيىن، وڭتۇستىك جارتىسىندا جانە وڭتۇستىك-باتىسىندا تۇندە 12-22 گرادۋسقا، كۇندىز 3-15 گرادۋسقا دەيىن تومەندەيدى.

«ءبىر ايعا ارنالعان بولجام كونسۋلتاتيۆتىك رەتىندە پايدالانىلۋى كەرەك. ول كەيىننەن سينوپتيكالىق جاعدايدىڭ وزگەرۋىنە قاراي تۇزەتىلەدى جانە ونكۇندىك پەن 2-3 كۇندىك اۋا رايى بولجامدارىمەن ناقتىلانادى»، - دەدى قازگيدرومەتتەن.