07:38, 21 - جەلتوقسان 2022 | GMT +6
شىعىس قازاقستاندا قار كوشكىنى قاۋپىنە وراي ەكى جول جابىلدى
وسكەمەن. قازاقپارات - شىعىس قازاقستان وبلىسىندا ەكى جول جابىلدى، دەپ حابارلايدى قازاقپارات ءتىلشىسى.
ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، قار كوشكىنى ءجۇرۋ قاۋپىنە بايلانىستى وڭىردە ەكى بىردەي جول جابىلدى.
وبلىستىق ماڭىزى بار «تارعىن- سامار» تاسجولىنىڭ 88-145-شاقىرىمىندا، «وسكەمەن- التاي- كاتونقاراعاي- راحمان قاينارلارى» تاسجولىنىڭ 6-66-شاقىرىمىندا اۆتوكولىكتىڭ بارلىق ءتۇرى ءۇشىن قوزعالىسقا تىيىم سالىندى»، - دەپ حابارلادى ۆەدومستۆو وكىلدەرى.
وسى رەتتە قۇتقارۋشىلار ءوڭىر جۇرتشىلىعىنا الىس ساپارعا شىعار الدىندا جولداردىڭ جاي-كۇيىن «دارمەن» موبيلدى قوسىمشاسى ارقىلى تەكسەرىپ وتىرۋعا كەڭەس بەردى.
