20:07, 20 - جەلتوقسان 2022 | GMT +5
فرانسۋزدار قاتاردان ورالعان فۋتبولشىلاردى قوشەمەتپەن قارسى الدى
استانا. قازاقپارات - پاريجدە 50 مىڭ فرانسۋز جانكۇيەرى قاتاردان ورالعان فۋتبولدان ۇلتتىق قۇرامانى قوشەمەتپەن قارسى الدى.
كەلىسىم الاڭىنا جينالعان جانكۇيەرلەر الەمنىڭ ۆيتسە-چەمپيونى اتانعان كوماندانى ىستىق ىقىلاسپەن قارسى الىپ، «مارسەلەز» گيمنىن شىرقادى، دەپ حابارلايدى قازاقپارات Euronews سايتىنا سىلتەمە جاساپ.
«راحمەت، مباپپە!»، «سەندەر مىقتىسىڭدار!»، «ءبىز سەندەرمەن بىرگەمىز!» - دەدى جانكۇيەرلەر. جەلتوقساننىڭ قولايسىز اۋا رايىنا قاراماستان ادامدار قاھارماندارىن بىرنەشە ساعات بويى كۇتىپ تۇردى. «فينالدا جەڭىلىپ قالسا دا، كەرەمەت وينادى. ءبىز ولاردىڭ ۇتىلعانىنا قاراماستان قۇراماعا قولداۋ كورسەتۋگە كەلدىك»، - دەدى جانكۇيەرلەر.
قۇراما جاتتىقتىرۋشىسى ديدە دەشام مەن ونىڭ كومانداسى تانىمال «كريون» قوناق ءۇيىنىڭ بالكونىنان جانكۇيەرلەرگە العىس ايتتى.
فۋتبولشىلاردىڭ كەلۋىنە وراي ۇنەمدەۋ رەجيمىنە قاراماستان ەيفەل مۇناراسى جارقىراپ تۇردى.
