قازاقستان پرەزيدەنتى قاتار ءامىرىن فۋتبولدان الەم چەمپيوناتىن ءساتتى وتكىزۋىمەن قۇتتىقتادى

استانا. قازاقپارات - قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ قاتار ءامىرى شەيح ءتاميم بەن حاماد ءال ءتانيدى فۋتبولدان الەم چەمپيوناتىن ءساتتى وتكىزۋىمەن قۇتتىقتادى، دەپ حابارلايدى قازاقپارات.

«@TamimBinHamad، ءسىزدى #FIFAWorldCup دوداسىن ءساتتى وتكىزۋلەرىڭىزبەن قۇتتىقتايمىن. بۇل تۋرنير الەمدىك فۋتبول تاريحىندا بيىك رۋحتىڭ، ءادىل ويىن مەن قاتارلىقتاردىڭ ەرەكشە قوناقجايلىعىنىڭ بەلگىسى بولىپ قالادى»، دەپ جازدى مەملەكەت باسشىسى Twitter- دەگى پاراقشاسىندا.

ايتا كەتەيىك، ساناۋلى ساتتەر بۇرىن قاتاردا وتكەن فۋتبولدان الەم كۋبوگى مارەسىنە جەتتى. اقتىق ماتچتا ارگەنتينا قۇراماسى پەنالتي سەرياسىندا فرانسيادان باسىم ءتۇسىپ، جەڭىسكە جەتتى.

سونداي-اق، مەملەكەت باسشىسى بۇعان دەيىن قاتار ءامىرى شەيح ءتاميم بەن حاماد ءال ءتانيدى جانە قاتار حالقىن ۇلتتىق كۇنىمەن قۇتتىقتاعانىن جازعان ەدىك.