مەسسي الەم چەمپيوناتتارىنىڭ رەكوردىن ورناتتى

استانا. قازاقپارات - قاتاردا فۋتبولدان الەم چەمپيوناتىنىڭ فينالىندا ارگەنتينانى باستاپ شىققان كاپيتان ءارى شابۋىلشى ليونەل مەسسي ءدال قازىر عانا رەكورد ورناتتى، دەپ حابارلايدى قازاقپارات ءتىلشىسى.

بۇل ليونەل مەسسيدىڭ الەم چەمپيوناتتارىنىڭ فينالدىق ساتىسىنداعى 26-شى ماتچى ەدى.

بۇعان دەيىن رەكورد گەرمانيالىق بەلگىلى ويىنشى لوتار ماتتەۋسكە تيەسىلى ەدى. 1990 -جىلعى الەم چەمپيوناتىنىڭ جەڭىمپازى دۇنيەجۇزىلىك بىرىنشىلىكتە 25 ويىن وتكىزگەن بولاتىن.

وسىلايشا، 35 جاستاعى مەسسي تاعى ءبىر رەكورد ورناتتى.

ەسكە سالا كەتەيىك، بۇدان بۇرىن حورۆاتيا قۇراماسىنىڭ ماروككودان باسىم ءتۇسىپ، قولا جۇلدە جەڭىپ العانىن جازعان بولاتىنبىز.

سونداي-اق، حورۆاتيا قۇراماسىنىڭ قاقپاشىسى سوققىنى قايتارۋ جونىنەن ۇزدىك اتاندى.