08:50, 17 - جەلتوقسان 2022 | GMT +6
دۋبايداعى بۋرج حاليفا عيماراتىندا قازاقستان تۋى بەينەلەندى
استانا. قازاقپارات - الەمنىڭ ەڭ بيىك عيماراتى دۋباي قالاسىنداعى بۋرج حاليفا قاسبەتىندە قازاقستان تۋى بەينەلەندى، دەپ حابارلايدى قازاقپارات ءتىلشىسى.
«بۋردج-حاليفا قازاقستاننىڭ تاۋەلسىزدىك كۇنى قۇرمەتىنە جاعىلادى. ەل حالقىنا گۇلدەنۋ مەن بەيبىتشىلىك تىلەيمىز»، - دەپ قۇتتىقتادى بۋردج- حاليفا عيماراتىنىڭ رەسمي پاراقشاسى Instagram جەلىسىندە.
سونداي-اق بۇل جازبادا قازاقستان ءانۇرانى قوسا شىرقالادى.
ايتا كەتەيىك، «بۋردج حاليفا» مۇناراسى دۋبايدا ورنالاسقان (ب ا ءا). بيىكتىگى - 828 مەتر، 163 قاباتتى. الەمدەگى ەڭ بيىك جانە ەڭ كوپقاباتتى عيمارات.
بۇعان دەيىن دە بۋردج-حاليفادا رەسپۋبليكاسى كۇنىنە وراي قازاقستان تۋى بەينەلەنگەن بولاتىن.
