جانىبەك ءالىمحان ۇلى قارسىلاستارى ەڭ كوپ قاشاتىن بوكسشىلار تىزىمىنە ەندى

استانا. قازاقپارات - ESPN Ringside Twitter اككاۋنتىندا قارسىلاس تابۋ قيىنعا سوعاتىن بوكسشىلار تۋرالى جازبا جاريالاندى، دەپ حابارلايدى قازاقپارات Sports.kz سايتىنا سىلتەمە جاساپ.

الەۋەتتى قارسىلاستارى ەڭ كوپ قاشاتىنداردىڭ اراسىندا WBO ورتا سالماقتاعى الەم چەمپيونى قازاقستاندىق جانىبەك ءالىمحان ۇلى دا بار. سونداي-اق بۇل تىزىمگە شاكۋر ستيۆەنسون، دجارون ەننيس، ۆەردجيل ورتيس جانە داۆيد بەناۆيدەس تە كىرگەن.

رەسۋرستا: «ءدال قازىر قارسىلاستارى ەڭ كوپ قاشاتىن بوكسشى كىم؟» دەگەن سۇراق قويىلىپ، ۇمىتكەرلەردىڭ ءتىزىمى كورسەتىلگەن.

بۇعان دەيىن جانىبەك الىمحان ۇلىمەن جەكپە-جەك وتكىزۋدەن بۇرىنعى الەم چەمپيوندارى حايمە مۋنگيا مەن دەمەتريۋس اندرادە باس تارتقان بولاتىن.