قازاقستان ستۋدەنتتەرىنىڭ قانشا پايىزى اقىلى بولىمدە وقىپ ءجۇر
ستۋدەنتتەردىڭ جالپى سانىنىڭ كۇندىزگى بولىمىندە 98,5 پايىز، سىرتتاي - 0,7 پايىز جانە كەشكى وقۋ تۇرىندە 0,8 پايىز وقيدى.
مەملەكەتتىك جوعارى جانە جوعارى وقۋ ورنىنان كەيىنگى ءبىلىم ۇيىمدارىندا وقيتىن ستۋدەنتتەردىڭ ۇلەسى - 21,7 پايىز، جەكە ۇيىمداردا - 77,5 پايىز، شەتەلدىك ۇيىمداردا - 0,7 پايىز.
جوعارى ءبىلىم بەرۋ باعدارلامالارى بويىنشا ەسەپتى وقۋ جىلىندا مەملەكەتتىك ءبىلىم گرانتى بويىنشا 213,4 مىڭ ادام نەمەسە 36,9 پايىز وقيدى.
اقىلى ءبىلىم قىزمەتتەرىن 364,9 مىڭ ادام نەمەسە ءبىلىم الۋشىلاردىڭ جالپى سانىنىڭ 63,1 پايىز الادى.
2022-2023 وقۋ جىلىنىڭ باسىندا قابىلدانعان ستۋدەنتتەر سانى 163,5 مىڭ ادامدى قۇرادى، ونىڭ ىشىندە قىزدار - 86,2 مىڭ ادام نەمەسە 52,7 پايىز.
وقۋعا تۇسكەن ستۋدەنتتەردىڭ جالپى سانىنىڭ 68,6 پايىز - جالپى ورتا ءبىلىم بازاسىندا، 20,2 پايىز - تەحنيكالىق جانە كاسىپتىك ءبىلىم بازاسىندا جانە 11,2 پايىز - جوعارى ءبىلىم بازاسىندا قابىلداندى.
ەسەپتى جىلى قابىلدانعان ستۋدەنتتەردىڭ جالپى سانىنىڭ 1,7 پايىز – ت م د ەلدەرىنەن، 1,2 پايىز - الىس شەتەلدەن كەلدى، قازاقستاننان قابىلدانعان ستۋدەنتتەردىڭ ۇلەسى - 97,1 پايىز.
قالادان تىس جەرلەردەن كەلگەن ستۋدەنتتەردىڭ جالپى سانى - 295,1 مىڭ.
ونىڭ 24,8 پايىز جاتاقحانادا تۇرادى، ال 40 پايىزى جاتاقحاناعا مۇقتاج.
2022-2023 وقۋ جىلىنىڭ باسىندا 555,7 مىڭ ادام نەمەسە ستۋدەنتتەردىڭ جالپى سانىنىڭ 96,1 پايىز - قازاقستان تۇرعىندارى، 11,1 مىڭ ادام نەمەسە 1,9 پايىز ت م د ەلدەرىنەن جانە 11,4 مىڭ ادام نەمەسە 2 پايىز الىس شەت ەلدەردەن كەلدى.
ستۋدەنتتەردىڭ ەڭ كوبى وزبەكستاننان (1,4 پايىز) جانە ءۇندىستاننان (1,3 پايىز).
