افريكالىقتار «قارا جورعا» جانە «قاماجاي» ءبيىن تاماشالادى
ءىس-شارا UNECA-داعى جىل سايىنعى ديپلوماتيالىق بازار اياسىندا ءوتتى. تۇساۋكەسەرگە ادديس-ابەباداعى ب ۇ ۇ ورگاندارىنىڭ، افريكا وداعى كوميسسياسىنىڭ، ەفيوپيانىڭ مەملەكەتتىك ورگاندارىنىڭ قىزمەتكەرلەرى، ادديس-ابەبادا اككرەديتتەلگەن شەت مەملەكەتتەردىڭ ەلشىلەرى، سونداي-اق افريكاداعى قازاقستاننىڭ دوستار كلۋبىنىڭ مۇشەلەرى قاتىستى.
ءىس-شارا اياسىندا «قاماجاي» جانە «قارا جورعا» قازاق حالىق بيلەرىنەن، ابايدىڭ پوەزيالىق شىعارمالارىنان تۇراتىن مادەني باعدارلاما كورسەتىلگەن.
«ءىس-شاراعا قاتىسۋشىلار ۇلتتىق ويۋ-ورنەكتەرمەن، قازاق مۋزىكالىق اسپاپتارىمەن، تۇرمىستىق زاتتارمەن جانە ۇلتتىق كوستيۋمدەرمەن كومكەرىلگەن قازاق كيىز ۇيىنە ەرەكشە قىزىعۋشىلىق ءبىلدىردى. قوناقتارعا قازى، باۋىرساق، جەنت جانە باسقا دا قازاق ۇلتتىق تاعامدارى ۇسىنىلدى»، دەپ جازىلعان س ءى م تاراتقان حابارلامادا.
