استانادا قازاق كۇرەسىنەن الەم چەمپيوناتى باستالدى

استانا. قازاقپارات - بۇگىن استانا قالاسىنداعى جاقسىلىق ۇشكەمپىروۆ اتىنداعى جەكپە-جەك سارايىندا قازاق كۇرەسىنەن الەم چەمپيوناتى باستالدى.

ءۇش كۇنگە سوزىلاتىن ءدۇبىرلى دوداعا الەمنىڭ 40 قا جۋىق مەملەكەتىنەن 350 بالۋان قاتىسىپ جاتىر، دەپ حابارلايدى قازاقپارات.

بۇل بىرىنشىلىك - 3 جاس مولشەرىن قامتىعان العاشقى باسەكە (ەرەسەكتەر، جاستار جانە جاس وسپىرىمدەر). جارىس باعدارلاماسىنا سايكەس جاس وسپىرىمدەر مەن جاستار، ءارقايسىسى 5 سالماق دارەجەسىندە كىل مىقتىنى انىقتايدى. ال ەرەسەكتەر 12 سالماق دارەجەسىندە (ەرلەر 8، ايەلدەر 4) بەلدەسۋدە.

ۇلتتىق قۇرامانىڭ وكىلدەرى، «دالا قىرانى» تيتۋلىنىڭ يەگەرلەرى الەمدىك جارىستا ەل نامىسىن قورعاپ جاتىر. ولار - بەكجان تولەپوۆ (55 كەلى)، مارات نيگماتۋللايەۆ (60 كەلى)، نۇر امانشۇكىروۆ (66 كەلى)، جۇماجان قوجامبەكوۆ (74 كەلى)، ايدىن دارتايەۆ (82 كەلى)، توقتاربەك ايداربەك (90 كەلى)، مۇحيت تۇرسىنوۆ (100 كەلى) جانە نۇرداۋلەت جارىلعاپوۆ (100+ كەلى).

Qazaq kuresi قاۋىمداستىعى العاشقى كۇننىڭ ناتيجەلەرىن جاريالادى.

بۇگىن چەمپيوناتتا ەرەسەك سپورتشىلار بوزكىلەمگە شىققان. اتاپ ايتقاندا، ەرلەر 82، 90، 100 جانە 100+ كەلى سالماقتا كۇش سىناستى. ال ايەلدەر 75 جانە 75+ كەلى سالماقتا مىقتىنى انىقتادى.

82 كەلى

I ورىن - ايدىن دارتايەۆ (قازاقستان)

Ⅱ ورىن - ۋميد ەسانوۆ (وزبەكستان)

Ⅲ ورىن - امير شەيح حوسەيني (نيدەرلاند)

Ⅲ ورىن - حامروز راجابوۆ (تاجىكستان)

90 كەلى

I ورىن - توماس ستەپانياك (پولشا)

Ⅱ ورىن - جامالبەك اسىلبەكۋۋلى (قىرعىز)

Ⅲ ورىن - توقتاربەك ايداربەك (قازاقستان)

Ⅲ ورىن - يۆان كوزوۆ (مولداۆا)

100 كەلى

I ورىن - مارات بايكامۋروۆ (قازاقستان)

Ⅱ ورىن - باھريددين ابدۋرايىموۆ (وزبەكستان)

Ⅲ ورىن - الەكسەي لۋسەنكو (پولشا)

Ⅲ ورىن - داۆاابات تسوگتبااتار (Mونعوليا)

100+ كەلى

I ورىن - نۇرداۋلەت جارىلقاپوۆ (قازاقستان)

Ⅱ ورىن - بەكبولات توقتوعونوۆ (قىرعىز)

Ⅲ ورىن - گەورگيي شاگەليشۆيلي (گرۋزيا)

Ⅲ ورىن - مۋحسين حيسوميددينوۆ (وزبەكستان)

قىزدار اراسىنداعى باسەكەنىڭ ناتيجەسى تومەندەگىدەي:

75 كەلى

I ورىن - باتتسەتسەگ تسوگ-وشير (مونعوليا)

Ⅱ ورىن - دەبوراح ۆوس كايلي (نيدەرلاند)

Ⅲ ورىن - فيلۋرا ەرگاشوۆا (وزبەكستان)

Ⅲ ورىن - ساھباز سەنانۋر (تۇركيا)

75+ كەلى

I ورىن - ناگيرا سارباشوۆا (قىرعىز)

Ⅱ ورىن - كەبادزە ەلەنە (گرۋزيا)

Ⅲ ورىن - راحيما يۋلدوشوۆا (وزبەكستان)

Ⅲ ورىن - ءمولدىر ازامات (قازاقستان)

ايتا كەتەيىك، ەلىمىزدەگى قازاق كۇرەسىنەن ءۇش فەدەراتسيانىڭ باسىن بىرىكتىرىپ، ۇلتتىق كۇرەسىمىزدى ەل ىشىندە جانە شەتەلدىك ارەنادا ناسيحاتتاپ جۇرگەن Qazaq kuresi قاۋىمداستىعى بيىل بىرىككەن كۇرەس الەمىنىڭ (UWW) قۇرامىنا كىرگەن بولاتىن. الداعى ۋاقىتتا بارلىق حالىقارالىق جارىستار UWW- مەن بىرلەسىپ وتكىزىلەدى.

قازاق كۇرەسىنەن الەم چەمپيوناتىن Insport تەلەارناسىنان الەۋمەتتىك جەلىدەگى پاراقشاسىنان تىكەلەي ەفيردە كورۋگە بولادى.