قازاقستاندىق وقۋشىلار رەكورد جاڭارتتى

استانا. قازاقپارات - قازاقستاندىق وقۋشىلار حالىقارالىق ارەناداعى جەڭىستى جولدارىن جالعاستىرىپ جاتىر.

بۇل تۋرالى وقۋ-اعارتۋ ءمينيسترى اسحات ايماعامبەتوۆ مالىمدەدى، دەپ حابارلايدى قازاقپارات.

بۇگىن قازاقستاندىق وقۋشىلار فيزيكا، بيولوگيا جانە حيميا پاندەرى بويىنشا حالىقارالىق جاس وسپىرىمدەر وليمپياداسىندا 6 مەدال جەڭىپ العان. قۇراما قورجىنىندا 1 كۇمىس پەن 5 قولا بار.

«بىلتىر وقۋشىلارىمىز ءدال وسى وليمپيادادا 3 قولا مەدال يەلەنگەن ەدى. وسىلايشا، بالالار بيىل رەكورد جاڭارتتى. زياتكەرلىك سايىس كولۋمبيانىڭ بوگوتا قالاسىندا ءوتتى. وعان الەمنىڭ 60 ەلىنەن 300 گە جۋىق بالا قاتىستى»، - دەگەن مينيستر جۇلدەگەرلەردى جوعارى ناتيجەلەرىمەن قۇتتىقتاعان.