استاناداعى بوكس كەشىندە قانداسىمىز ەلشات نىعمەتوللا باستى جەكپە-جەكتە باق سىنايدى

استانا. قازاقپارات - 16 جەلتوقساندا استانادا «بارىس ارەنادا» كاسىپقوي بوكس كەشى وتەدى. وعان قازاقستاندىق جانە شەتەلدىك بوكسشىلار قاتىسادى، دەپ حابارلايدى قازاقپارات Sports.kz سايتىنا سىلتەمە جاساپ.

BoxRec.com مالىمەتىنشە، شوۋداعى جەكپە-جەكتەردىڭ بىرىندە ايەلدەر تيتۋلدىق ايقاسى وتەدى. جەڭىلىپ كورمەگەن امەريكالىق روساليندا رودريگەس (13-0، 3 ك و) ارگەنتينالىق دەبورا ۆانەسا گومەسپەن (8-8-2، 1 ك و) جۇدىرىقتاسادى. جەڭىل سالماقتاعى WBC International بەلبەۋى باسكە تىگىلەدى.

كەشتىڭ باستى وقيعاسى - «قازاق جاۋىنگەرى» لاقاپ اتىمەن تانىمال ەلشات نىعمەتوللا (17-0-1، 5 ك و) فيليپپيندىك رەنتس روزيامەن (17-9-1، 9 ك و) جەڭىل سالماقتاعى WBC International Silver بوس تۇرعان تيتۋلى ءۇشىن كۇش سىناسادى.