الداعى كۇندەرى ايازدىڭ بەتى قايتادى - قازگيدرومەت

استانا. قازاقپارات - «قازگيدرومەت» ر م ك الداعى 3 كۇنگە ارنالعان اۋا رايى بولجامىن ۇسىندى، دەپ حابارلايدى قازاقپارات.

قازاقستاننىڭ باسىم بولىگى بۇرىنعىشا سۋىق انتيسيكلون ىقپالىندا بولادى. رەسپۋبليكانىڭ شىعىسىندا، ورتالىعىندا جانە وڭتۇستىگىندە اۋا رايى جاۋىن- شاشىنسىز بولادى. اتموسفەرالىق اۋا اعىندارىنىڭ وتۋىنە بايلانىستى قار جاۋىپ، بوران بولادى. قازاقستاننىڭ وڭتۇستىگى مەن وڭتۇستىك- شىعىسىنداعى تاۋلى اۋدانداردا قالىڭ قار جاۋادى.

اياز بىرتىندەپ باسىلادى، باتىستا تۇندە 5-15, كۇندىز 0-5 گرادۋس اياز، سولتۇستىكتە تۇندە 18-28، كۇندىز 12-17 گرادۋس اياز، ورتالىقتا جانە شىعىستا تۇندە 22-30، كۇندىز 13-20 گرادۋس اياز بولادى، رەسپۋبليكانىڭ وڭتۇستىگىندە جانە وڭتۇستىك- شىعىسىندا اۋا تەمپەراتۋراسى تۇندە 13-25، كۇندىز 8-18 گرادۋس اياز بولۋى ىقتيمال.